amalinks wokungena

'Uzulu Kakhonze uNkulunkulu Ukwenzela Ukuqeda Konke Okuhluphayo eZimbabwe'

  • Mavis Gama

Abangene intshumayelo le kade begqoke amasaka.

Abesifazane beZimbabwe abaphakathi kwelizwe lasebehlala emazweni bakhuthazwa ukuthi bakhokhele kumkankaso wemvuselelo kaNkulunkulu elesihloko esithi ‘Zimbabwe back to God … Wail for Zimbabwe’.

Lokhu kucelwe nguMfundisi Lukiah Borerwe webandla lenkonzo ele Harvest Breakthrough Ministiries, alikhokhela ese Cape Town kwele South Africa.

UMfundisi Borerwa ukhokhele uzulu weHarare ngoLwesibili ekuqhubeni imithandazo ezakwenziwa okwensuku ezimbalwa eHarare Gardens.

Abaphatheke kulumbuthano benze lokho begqoke okuthungwe ngamasaka.

Lokhu bathi bazokwenza kuyo yonke imihlangano ezoqhutshwa ilizwe lonke.

UMfundisi Lukiah Borerwe
UMfundisi Lukiah Borerwe

Ukuqhuba limbuthano abantu begqoke impahla ethungwe ngamasaka kubikwa kusenziwa kulandelwa umbhalo lapho abantwana baka Israel babethi bengananzelela ukuba sebonele uMdali, ngokukhonza abanye onkulunkulu, babewagqoka ukubonisa ukuzinikela lokuzehlisa kwabo kulokho ababengakho.

UNkosikazi Borerwe utshele intathelizindaba ukuba le yiyo kuphela indlela ezoziqeda inkinga ilizwe elibhekane lazo.

Inkokheli yomkhankaso lo ithi abesifazane kumele kube yibo abakhokhela lumkhankaso, ngoba kuyibo ababhekana lenkinga ngokuphindiweyo, okwenza uNkulunkulu aphanga ukubezwa lapho bekhala kuye.

XS
SM
MD
LG