amalinks wokungena

Uzulu Uthi Kumele Kube Lekhefu Lokunanza Imisebenzi KaJoshua Nkomo


Imuli kamuyi uJoshua Mqabuko Nyongolo Nkomo egoqela uNkosikazi Thandi Nkomo-Ibrahim loMnu. SIbangilizwe Nkomo.

Uzulu weZimbabwe ubethe gwaqa eSt. Josephs eKezi ngempelaviki ethakazelela ilanga lokuzalwa likamuyi uDr. Joshua Mqabuko Nkomo owayengumsekeli kaMongameli Robert Mugabe.

Bakhuthaze ukuthi uhulumende kumele ahloniphe umuyi okugcweleyo ngokubeka ilanga esilemthethweni lokuhlonipha uNkomo njengeqhawe elaletha inkululeko eZimbabwe.

UNkosikazi Thandi Nkomo-Ibrahim uveza imfanekiso kayise.
UNkosikazi Thandi Nkomo-Ibrahim uveza imfanekiso kayise.

Bekungabizwa ozwayo emkhosini wamalanga amabili obuthanise abantu abedlula inkulungwane ezingamatshumi amabili emzini kamuyi uNkomo, kugiywa kudliwa abantu behaya umuyi ngengoma langemigido yendulo.

Inkokheli zomdabu, imuli kamuyi, abathokozisa abantu kanye lozulu jikelele bajabulele lelilanga ngendlela eziphezulu besithi ngokwakuqala njalo kungabi ngokokucina ngoba ilanga elinjalo bebelilangazelela.

Imuli yakoNkomo ibonge uzulu besithi lilanga eliqakathekileyo emulini. Kade bemelwe yindodakazi kamuyi, uNkosikazi Thandi Nkomo-Ibrahim.

UPaddington Ndiweni, imbongi esakhulayo, uhaye umuyi esithi uNkomo yinkunzi mavava isiduli asidiliki bayohlala bamkhumbula.

UNkosikazi Thandi Nkomo-Ibrahim loNkosazana Sethule Nkomo.
UNkosikazi Thandi Nkomo-Ibrahim loNkosazana Sethule Nkomo.

Okhulume embuthanweni lo, uSenator David Coltart, uhloniphe umuyi walandisa imbali yobudlelwano bakhe lemuli kaNkomo esithi wayeyindoda efuna ukuthula njalo wayengelankethabetshabi.

Wasebenza loNkomo emele amalunga eZAPU ayebotshiwe abalisa uMnu. Kembo Mohadi labanye.

USenator Sithembile Mlotshwa utshele intathelizindaba ukuthi ufisa ukuba ilanga leli kubelilanga elibekwayo emthethweni lokumkhumbula ethi usizi yikuthi izifizo zakhe lokhe zingakafezeki lalamhla lokhu.

Imuli kamuyi uJoshua Nkomo
Imuli kamuyi uJoshua Nkomo

Ikkokheli zomdabu lazo zibonge kakhulu abantwana bakamuyi uSibangilizwe, uThandi loSehlule besithi bayajabula kakhulu ngomsebenzi abakade bewulangazelela okwesikhathi eside bethi umuyi ngumuntu owayethanda njalo elandela amasiko.
Abaculayo labahayayo bahlabele kwaze kwasa emzini kaNkomo. Kuthi amaqembu ebhola lenyawo lezandla akoNduna uBhidi yiwo athethe inkezo kamuyi. Abomdlalo wenguqu lezandla bathethe inkezo kaMama uMafuyane, umkaNkomo owabhubha sokutshone uNkomo.

Facebook Forum

XS
SM
MD
LG