amalinks wokungena

Breaking News

Uzulu Uthi Ukhetho LweSenegal Ngumzekeliso Omuhle Omele Ulandelwe YiZimbabwe


Uzulu weZimbabwe wamukele ngenjabulo impumela yokhetho lokudinga uMongameli kweleSenegal olwenziwe ngeSonto lapho obekhokhela lelo lizwe uMnu Abdoulaye Wade anqotshwe khona laye wavuma.

Obencintisana loWade, uMnu Macky Sall nguye osenguMongameli. Ukhetho lolu belungolwesibili, irun-off enziwe ngoba ukhetho lwakuqala lungazange lube lomnqobi osobala.

Ukuze ancintise kukhetho lolu, uMnu Wade ubeguqule isisekelo sombuso samvumela ukuthi ancintise okwesithathu, okuyinto ebangele ukukhonona okukhulu kuzulu waseSenegal kanye lasemhlabeni jikelele.

Uzulu uthi eleZimbabwe kumele lilandele umzekeliso weSenegal, njalo ozanqotshwa kukhetho oluzayo avume ukusuka esihlalweni njengoWade.

Lokhu uzulu ukutsho ngoba uMongameli Mugabe enqotshwe kukhetho lwakuqala ngo2008 wayalela esikhundleni kwazothi kurun-off wasebenzisa udlakela olwenza uMnu Morgan Tsvangirai angancintisi kulolokhetho.

Isikhulumeli seMDC ekhokhelwa nguMnu Welshman Ncube, uMnu Nhlanhla Dube uthi ukhetho lweSenegal luchaya sobala umzekeliso omele ulandelwe ngeleZimbabwe.

La ngamazwi agcizelelwe yingcwethi ecubungula ezombusazwe uMnu Effie Dlela Ncube kungxoxo ayenze leStudio 7.

XS
SM
MD
LG