amalinks wokungena

Breaking News

Uzulu Utshengisela Esola uMugabe Ngokuthuka AmaKalanga


Amalunga enhlanganiso ezizimeleyo afika inkulungwane eyodwa atshengisele koBulawayo ngoLwesine esola amazwi kaMongameli Mugabe awokuthi amaKalanga ngabantu abangafundanga njalo abaphila ngobugebenga kweleSouth Africa.

UMugabe wethule amazwi la ekupheleni komhlangano weSadc eHarare ngeviki edluleyo njalo amazwi akhe acunule abantu abanengi abathi alobandlululo.

Abatshengiseleyo laba batshiye ugwalo ehofisini kahulumende eMhlahlandlela olulezikhalazo ezigoqela esokuthi uMugabe kumele axolise.

Bacele njalo ikomishini yamalungelo oluntu iHuman Rights Commission ukuthi icwayisise amazwi kaMugabe kubonakale ukuthi amazwi akhe engaba eveza imbono kahulumende na.

Inhlanganiso eziqoqe ukutshengisela lokhu zigoqela iBulawayo Agenda, iNational Youth Development Trust, iWoza lezinye.

XS
SM
MD
LG