amalinks wokungena

Breaking News

Uzulu weGwayi Ulakho Ukumisa Ukwenjiwa Kwamalahle


Ikhomithi ekhangela ukuvikelwa kwendawo yeGwayi, iGwayi Valley Intensive Conservation Area ikhuthaza uzulu wonke olenhlelo ezizaphazanyiswa yikwembiwa kwamalahle osokuqale kulindawo ukuthi aveze ukunqineka kwakhe kunhlanganiso ye Environmental Management Agency ukuze amankampani agebhayo anganikwa imvumo yokuqhubeka ngalumsebenzi.

Inkampani egebhayo, iChina Africa Sunlight Energy yanikwa imvumo yokugebha isadingisisa ukuthi kuyasebenzeka na kulindawo iExploratory Licence anduba inikwe i mvumo egcweleyo yokuqala imigodi.

IGwayi Valley Intensive Conservation Area ithi ngesikhatshana esifitshane inkampani le ilapha sokudubuke indawo zamanzi ageleza ngaphansi komhlabathi ama Aquifer amabili angasavalekiyo, inyamazana ezigoqela indlovu lezilwane sezibalekile ngenxa yomsindo wokugejwa njalo imithi esetshenziswa lapha ilakho ukungena emanzini aphansi okuzakwenza kubenzima ukuthi idolobho lakoBulawayo lisebenzise amanzi avela kutshangani njengalokhu obekukhangelelwe.

I China Africa Sunlight Energy ibikwa isithi ikhangelele ukukhulumisana labantu abazaphazanyiswa yikwembiwa kwamalahle la ukuze bathole ukuphathisana. Inkampani le ihlanganisa eyakuleli i Oldstone Investments kanye leyequla labosomabhizimisi beChina iShandong Taishan Sunlight eyasungulwa ngomnyaka ka 2011 ukugebha amalahle, i Methane Gas kanye lokuletha amandla kagetsi kulumango.

please wait

No media source currently available

0:00 0:04:00 0:00
Lapho esitholakala khona
XS
SM
MD
LG