amalinks wokungena

Breaking News

Uzulu weMelika Namuhla Ukhumbula Ukuhlaselwa Kwalelilizwe Ngo2001


September 11th Terrorist Attacks

Abantu beMelika namuhla bakhumbula abanye babo abazinkulungwane phose ezintathu abafela kusehlakalo sokuhlaselwa kwalelilizwe ngabeqembu leAl-Qaeda ngosuku lwanamhlanje ngomnyaka ka2001.

Ngosuku lolu, olwaziwa ngokuthi yi9/11, abeAl-Qaeda bahlasela izakhiwo ezinkulu, ama-twin towers edolobheni leNew York ngokutshayelela indizamtshina ababezithumbile.

Enye yendizamtshina lezi yatshayelela esigodlweni sebutho iPentangon eVirginia kwathi enye yawela ePennsylvania.

Kuzehlakalo zontathu kwafa izizalwane zeMelika ezingu2,996 njalo kwalimala ezingu25,000.

Sokuleminyaka ayisitshiyagalolunye kwenzakala lokhu.

Amabutho eMelika alandela umkhondo kaOsama bin Laden, umkhokheli weAl-Qaeda owayeqoqe ubudlova lobu, aze ayamthola ngemva kweminyaka elitshumi kwelePakistan lapho ambulalela khona.

Ukunanzwa kwelanga leli kuza ngesikhathi uMongameli Donald Trump loMnu Joe Biden bephakathi kokukhankasela ukhetho oluzakwenziwa mhkala 3 ngoLwezi.

UTrump yena uqhubeke ezivikela izolo kulabo abamchothozayo ngokutshaya umkhuhlane weCoronavirus indiva usafika.

Abeqembu likaBiden bathi ngokutshela uzulu ukuthi umkhuhlane lo awusiyongozi enkulu, uTrump wabulalisa abantu abanengi.

Kodwa yena uthi wenza lokhu ngenjongo yokupha abantu isibindi.

UMongameli Trump wakuvuma kugwalo olusanda kwethulwa yintathelizindaba elodumo uMnu Bob Woodward ukuthi ngempela wawutshaya indiva lumkhuhlane.

Kodwa usola uWoodward esithi ngokwethula ugwalo lolu khathesi, uzama ukumngcolisa kuyiwa kukhetho.

Khepha ocubungula ezombusazwe uMnu Effie Dlela Ncube uthi akaboni uTrump ebalekelwa ngabantu abavele bemsekela besiya kuBiden ngenxa yalolugwalo.

please wait

No media source currently available

0:00 0:02:47 0:00

Facebook Forum

XS
SM
MD
LG