amalinks wokungena

Breaking News

Uzulu weMelika Ukhetha uMongameli Omutsha


Donald Trump and Joe Biden combo

Uzulu weMelika uyavota namuhla kukhetho lokudinga uMongameli omutsha phakathi kukaMongameli Donald Trump omela ibandla lamaRepublicans loMnu Joe Biden owebandla eliphikisayo elamaDemocrats.

UMongameli Trump loBiden baqhube imihlangano yabo yokucina bedinga usekelo kuzulu izolo.

UTrump wenze imihlangano ezabelweni ezinhlanu ezigoqela iNorth Carolina lePennsylvania lapho achothoze khona uBiden esithi engakhethwa uzakhwezela abantu imithelo abuye njalo avale ilizwe ezama ukuvimba umkhuhlane weCovid-19.

Ngakho, uTrump uthe uzulu kumele avotele yena. Ngakolunye uhlangothi, uBiden ubelemihlangano eOhio lasePennsylvania.

UMnu Biden laye ucele uzulu ukuthi amvotele, esithi umkhuhlane weCovid-19 ungaqedwa kuphela eMelika nxa kungasuswa uTrump embusweni.

Umkhuhlane lo usubulele abantu abedlula inkulungwane ezingamakhulu amabili, 231,000 eMelika njalo wahlasela izigidi ezedlula eziyisitshiyagalolunye, 9,2 million.

UTrump ungene embusweni ngo2017 ngemva kokunqoba uNkosikazi Hillary Clinton kukhetho luka2016.

UBiden yena wayengumsekeli kaMongameli Barack Obama kusukela ngo2009 kusiya ku2017.

Lokhu ngokwesithathu uBiden ezama ukuba nguMongameli weMelika lanxa nje ehluleke kabili ukufika kuzinga esekulo elokukhethwa libandla lakhe ukuthi ancintise elimele.

UBiden nguye okhokhelayo kuphenyo lwama-polls, kodwa ingcwethi zithi lokhu akutsho lutho ngoba uNkosikazi Clinton laye wayekhokhela kukhetho luka2016 kodwa wasuka wanqotshwa nguTrump.

Usopolitiki weZimbabwe ohlala eMelika uMnu Tim Muringai utshele iStudio 7 ukuthi lanxa uMnu Biden ekhokhela, kunzima ukutsho ukuthi uzanqoba kulolukhetho.

please wait

No media source currently available

0:00 0:02:11 0:00

Kodwa isizalwane seZimbabwe esihlala kweleBhilithani uMnu Sikhumbuzo Mlalazi yena uthi ubona kunqoba uMongameli Trump.

please wait

No media source currently available

0:00 0:02:10 0:00

Facebook Forum

XS
SM
MD
LG