amalinks wokungena

Breaking News

UZuma Ubiza Abameli Bamabandla Phezu Komhlahlandlela


Umlamulankunzi kudaba lweZimbabwe uMongameli Jacob Zuma weleSouth Africa ubize abamela amabandla akuhulumende womanyano ngoLwesihlanu ukuthi baze elizweni lakhe bazolungisisa okuhluphayo phakathi kwabo ngaphambilini komhlangano weSadc eAngola ngeviki ezayo.

Umhlangano lo ukhangelelwe ukuphatha kabanzi udaba lweZimbabwe kanye lokutshiyeneyo okwenzakala kwamanye amazwe asezansi yeAfrica.

Udaba uZuma afuna lulungisiswe ngaphambilini komhlangano lo, ngolomhlahlandlela wokhetho.

Lanxa abamela amabandla kunkulumo bevumelene kulumhlahlandlela, amabandla abalisa iZanu PF lecele leMDC elikhokhelwa nguMnu Morgan Tsvangirai athi kavumelani lawo.

Isikhulumeli seMDC ekhokhelwa nguMnu Welshman Ncube uMnu Nhlanhla Dube uthi ibandla lakhe likhangelele ukuthi inkokeli yeSadc ivumelane lomhlahlandlela lo, kulungisiswe okuhluphayo andubana kuyiwe ekhethweni.

Kunjalo, nje eleAngola livimbe abameli benhlanganiso ezizimeleyo ezingaphansi kophahla lweSadc Council of NGOs ukuba bangene kulelo lizwe belanda umhlangano wangoLwesithathu.

Abanye abavinjiweyo zintathelizindaba zaseMozambique ezimbili.

Lokhu kuza ngemva kokuba inhlanganiso ezizimeleyo zisole iSadc ngokwehluleka ukulungungisisa udaba lweZimbabwe lokuvamela ohulumende abagoqela oweAngola besephula amalungelo kazulu.

Okuhambelana lalokhu

XS
SM
MD
LG