amalinks wokungena

Kulomncitiswano weSummer Fashion Ngosuku Lwe Valentine's Day


Imodeli egqoke isigqoko esathungwa nguThobekile Zondo

Ekunanzeni usuku lokukhuthaza uthando olwe Valentine’s Day mhlaka 14 Nhlolanja, edolobheni lako Bulawayo kuzaqhutshwa umkhosi womncitiswano wezimbatho owe Summer Fashion & Style.

Umncintiswano lo usukhangelelwe ngamehlo abomvu ngabathanda izembatho ezilohlonzi zangalezi nsuku, eThe Grand Vista.

Lumcimbi unikeza abathungayo labalungisa izembatho baseZimbabwe, amathuba okuzithuthukisa kulabo abayabe benqobile ukuze benelise ukuthengisa abakulungisayo ezitolo ezitshiyeneyo ze Zimbabwe lezakwele South Africa.

UNkosikazi Sammy Kays, ongumunye ommele umncintiswano we Summer Fashion & Style, uthe umncitiswano walonyaka uzoqhutshwa ngendlela ezonikeza apathungayo abale sipho sokuthunga izigqoko ezinhle, ithuba lokubonisa umhlaba wonke jikelele izigqoko zabo.

UKays uphinde wachasisa ukuthi akula ukudlisana okukhona phakathi kwalo mcimbi wabo losuku lwe Valentine’s Day.

“Babekhona sibili abantu abaqaphukileyo ngosuku lolu. Amankampani atshiyeneyo azabe ebambisana ukuze lomcimbi uphumelele kahle,” kutsho uKays.

UNkosikazi Thobekile Zondo, ngomunye wabathunga izembatho ezizabukiswa kumncitiswano lo.

Abafundi abafisa ukuyabukela umncitiswano lo, bezilibazisa labathandi babo, bakhangelelwe ukuhlawula amadollar amahlanu ukungena, kodwa oza ukuzongena eyedwa ukhangelelwe ukubhadala amadollar alitshumi.

Ukuze lithole ulwazi olubanzi mayelana ngomncintiswano lo, libathinthe kunombolo ezithi 0779 371 713, kumbe balandeleni kukhasi labo ele Facebook ngaphansi kwegama Summer Fashion & Style.

Facebook Forum

XS
SM
MD
LG