Iqembu leWarriors linqobe eleZambia 3-1 ngeSonto kumdlalo weConfederation of Southern African Football Associations (COSAFA) Castle Cup odlalelwe enkundleni yeRoyal Bafokeng Sports Palace ePhokeng, Rustenburg, kwele South Africa.
Iqembu leZimbabwe libengelokuqala ukuthi lithathe inkezo le okwesihlanu selokhe kwasungulwa umncintiswano weCOSAFA. Iqembu leChipolopolo selathatha inkezo le kane.
Umgadli weZimbabwe, uKnox Mtizwa, uhlohle umdlalo lo ulemizuzu engamatshumi amabili lambili kwathi-ke eleZambia lenelise ukuhlohlelwa nguLupinda Mandia sokusele isikhathi esincane ukuthi amaqembu la athathe ikhefu.
Kuhlandla lesibili, iqembu leZimbabwe lihlohlelwe nguTalent Chawapiwa loOcean Mashure. Lokhu kuhle kwaliqeda amandla iqembu leZambia.
USunday Chidzambwa nguye obeqeqetsha iqembu leli.
TEAMS
Zimbabwe: George Chigova, Ocean Mushure, Eric Chipeta, Jimmy Tigere, Talent Chawapiwa, John Takwara, Ovidy Karuru (captain), Bruce Homora, Knox Mutizwa, Honest Moyo, Liberty Chakoroma. Substitutes: Talbert Shumba, Michelle Katsvairo, Jameson Mukombwe, Leeroy Mavunga, Prince Mpumelelo Dube, Innocent Mucheneka, Blessing Majarira, Raphael Manuvire, Takabva Mawaya. Coach: Sunday Chidzambwa.
Zambia: Allan Chibwe, Lawrence Chungu, Adrian Chama, Mwila Phiri, Justin Shonga, Donashano Malama (captain), Mike Katiba, Jackson Chirwa, Webster Mulenga, Isaac Shamujompa, Brian Mwila. Subs: Moses Nyondo, Solomon Sakala, Bonston Muchindu, Lubinda Mundia, Chitiya Mususu, Diamond Chikwekwe, Godfrey Ngwenya, Collins Sikombe, Kelvin Malunga
Mqondisi: Coach: Wedson Nyirenda