amalinks wokungena

Woza Friday: Iyaziphehla Ingoma iMalunga Brothers

  • Joseph Njanji

UMnu. Decent Ndlovu

Iqembu le Malunga Brothers ngelabasakhulayo elilenyanga ezinhlanu lisebenza lisedolobheni lako Bulawayo ngemva kokubonwa nguDecent Ndlovu, ojabulele indlela ababeqhunsa ngayo iziginci ngesikhathi betshaya endaweni yeMthwakazi eseMatopo.

“Kwakule show koMthakazi njalo omunye umngane wami wasengicela ukuba ngimphathise kwathi ekufikeni khonangale sathola edlala lawa majaha, ngayithanda indlela ababedlala ngayo.

“Ngithe sengizwe bekhala ngokuba abala ziginci zokusebenzisa ngasengibamema ukuba bebuye koBulawayo sizohlala sonke sisebenze sonke ngoba ngibona ithalenta abalalo.”

Iqembu leMalunga Brothers lilabaculi ababalisa uKholisani Moyo, onguye umkokheli walo njalo oleminyaka engamatshumi amabili lantathu eyokuzalwa, uClement Moyo oleminyaka engamatshumi amabili lane njalo otshaya ama drums, uSidney Dale oleminyaka engamatshumi amabili otshaya ilead guitar, uPrince Nyathi oleminyaka elitshumi lathoba munwe munye otshaya irhythm guitar, uNgqabutho Sibanda owenza ama backing vocals kanye lo bassist okuthiwa nguShepard.

UKholisani Moyo ubumbe iqembu leMalunga Brothers ngesikhathi esahlala elizweni le South Africa.

“Iqembu leli ngiliqale ngo 2013 ngisaseGoli ngemva kokusebenza leqembu le Malaba Shining Stars lapho engafunda khona okunengi.”

“Ekubuyeni kwami ekhaya ngihlanganise leliqembu ngo 2015 kodwa sengike ngacindezela amadlalade amabili elithi Hlokoloza lelithiwa uMenziwa ngisaseGoli.”

Iqembu le Malunga Brothers kalikacindezeli kwele Zimbabwe njalo okwamanje litshaya endaweni ezehlukeneyo ezigoqela eMarisha yodumo eselokitshini laseMagwegwe.

XS
SM
MD
LG