amalinks wokungena

WOZA FRIDAY: Litshisa Okwesihogo Idlalade likaGibela Bemsola

  • Ntungamili Nkomo

Gibela Bemsola

KuWoza Friday liviki siloGibela Bemsola oseyethule idlalade lesihlanu ehamba leqembu lakhe leFohlani Sounds.

Le yinsizwa engakhula layo kithi le esikhosini koMangubo safunda sonke esikolo seMangubo Primary School.

Igama lakhe lokuzalwa nguMichael Ndlovu kodwa elekhaya besimbisa ngoNhabu.

Idlalade lakhe leli livutha okwesihogo njalo isihloko salo sithi “Igazi Lami” lapho akhuluma khona ngesehlakalo sakhe sokufohla uthango wayathola umntwana phandle kweguma.

Idlalade leli liphekwe ngobunono obukhulu njalo ubugabazi bukaGibela bemsola abuthandabuzwa.

Lilengoma eziyisikhombisa ezigoqela ethi “Mundilise”, “Mbava”, “Obaba bethu” lo“Dlozi lami”.

Umhlabeleli wethula idlalade lakhe lakuqala ngo2012 walethesa isihloko esithi “Baba Mfundisi”, ngo2013 walandela ngo“Lendab’nzima, “Amaphikankani” waza ngo2014 kwathi ngo2015 wethule elithi “Sophephelaphi.”

Ngo2016 uthi “Ligazi lami.” UGibela Bemsola uthi abalandeli bakhe sebelamukele ngenjabulo lelidlalade njalo uzele uzulu ukuthi amxhase ukuze ephumelele.

Uphinde njalo wacela amalandeli ukuthi bengaze bathenga amadlalade okuzibazela. Abafuna umculoi wakhe uthi bangamthinta kunombolo ezithi +27616205665 kumbe ku+27783305467.

XS
SM
MD
LG