amalinks wokungena

Woza Friday: Umculi Osakhulayo uMlue Jay

  • Joseph Njanji

Umculi uMlu_Jay.

UMlungisi Dombo Moyo, owaziwa ngegama elokucula elithiwa Mlue_Jay ngumculi osakhulayo olengoma etshisayo kulezinsuku ayitshaye endawonye lomculi odabuka elizweni le South Africa uSmallz oke waduma eminyakeni edluleyo ngengoma ethiwa Moneymaker.

Lingoma ethiwa So Dangerous iphekwe ngabe ST Empire okuyinkampani ebunjwe ngu Smallz lomngane wakhe uTrevor.

Ingoma le yamukelwe kuhle ngoba yi comeback ka Smallz yena obengasaculi njalo sike sangena lakuhlelo oluthiwa Five Minutes of Fame eka Oskido kumsakazo we Metro FM ekhuluma ngabaculi abasacathulayo.

UMlue_Jay uqale ukucula esafunda esikolo se Luveve High lapho abecula khona ku choir. Ukucindezela ingoma uqale ngomnyaka ka 2010 ikanti idlalade lakhe lakuqala ulikhuphe ngomnyaka ka 2015 njalo igama ledlalade leli kuthiwa ngu The Come Up elilengoma ezilitshumi lanye.

Kwele South Africa uMlue_Jay ubeyefundela izifundo ze sound engineering. Ngesikhathi ehlala eSouth Africa ubethengisa idlalade lakhe leli elithiwa The Come Up elipha njalo abatshaya ingoma endaweni zokuzithokozisa. Abe ST Empire benelise ukuxhumana laye ngemva kokuthola inombolo zakhe ezocingo ebezilotshwe kudlalade lakhe.

Yikho lapho engahlangana khona lo Smallz walalela udaba lwami lengoma zami weza ukuba singenelisa ukusebenza sonke yikho ke ngasengilobelana labo isivumelwano somsebenzi satshaya ke ingoma ethiwa So Dangerous."

Abanye abaphatheke ekucindezelweni kwengoma le ngabagoqela u89 Music onguye owapheka amachacho kanye lo Jay Jay onguye obephethe imitshina.

Imisebenzi kaMlue_Jay iyatholakala ebulenjini njalo labo abafana ukuxhumana laye balakho ukumthinta ngaphansi kwegama elithi Mlue_Jay ku Twitter, Facebook kanye laku Instagram.

I Video yengoma le ethiwa So Dangerous iphume ngoLwesithathu njalo iyatholakala ebulenjini ku You Tube.

Lingoma izakuba kudlalade lakhe elithiwa Picture Paint elizaphuma ekupheleni kwalonyaka.

Facebook Forum

XS
SM
MD
LG