amalinks wokungena

Utshaya Ezika Mdali uMkhumbi KaNoah

  • Bennedict Nhlapho

UMoses Phephani Sibanda

Iqembu lomculo wezokholo Umkhumbi KaNoah Christ Survivors selethule indlikizane yedlalade elithi Uyokwenzenjani.

Umkhokheli weqembu lo Mkhumbi kaNoah Christ Survivors, uMoses Phephani Sibanda, uthe idlalade labo leli elithi Uyokwenzenjani yintshumayelo egcweleyo engamphendula umuntu asindiswe.

"NjengoMkhumbi kaNoah sidlulisa umbiko oqinileyo ebantwini ukuze abantu baphile ngokumqonda uKristu ophilayo baphendukele kuye. Sitsho lapha ngoba sibona amanyala ezinkonzweni. Ngakho siyaqondisa. Sitshaya okubi okuhle siyakumisa. Okubi siyakubhidliza egameni likaJesu."

Engomeni ezilitshumi ezikulel'idlalade kukhona uNikelani imizimba yenu, kuze Uthando lukaNkulunkulu, kube loPhenduka lezinye.

Iqembu ele Umkhumbi KaNoah
Iqembu ele Umkhumbi KaNoah

USibanda uthwetshulwe yingwe eGwanda waba ngumculi omkhulu esikolo lebandleni. Ngo 2014 eseseGoli wabumba iqembu loMkhumbi kaNoah wethula idlalade elithi Qapheleni ngo 2014 eselilandelwe yileli elithi Uyokwenzenjani.

USibanda uphinde wathi kungoma le ubekhuluma ngothando lukaNkulunkulu, bakhuze isono, baphathe ukuza kukaJesu, baxwayise lokuqinisa amakholwa kanye lenkuthazo yokuthi abantu baphenduke. UMoses ke uthi balilolonge lasala libutshelezi idlalade labo leli.

i album ele qembu ele Umkhubi kaNoah
i album ele qembu ele Umkhubi kaNoah

“Kukhona okukhulu esizanakho kuleli idlalade. Halleluah! Ngiyabonga kakhulu. Lisithokozele lithenge umculo wethu balandeli, balaleli bohlelo. Siliphathele okuhle futhi nalonyaka. Liziphathe kahle libe selimqonda elimkhonzayo onguJesu uKristu igama lakhe,” kutsho uSibanda.

USibanda ozibiza Mfana kaNca, uthi idlalade labo leli lilungele intsha labadala, abakholwayo labangakholwayo, abasosizini labasentokozweni. Kodwake uthi umbuzo omkhulu yilo owokuthi, ngalokhu okwenzayo manje, Uyokwenzenjani mhla uJesu ebuya.

Facebook Forum

XS
SM
MD
LG