amalinks wokungena

Iqembu lomculo wezokholo elibizwa ngokuthi yi-Vocal Ex, likhangelelwe ukuthi lizakwethula idlalade elitsha ngoMgqibelo edolobheni lako Bulawayo.

Okhokhela leli qembu onguye njalo owalisungulayo, uThemba Mdlaziba, unxusa wonke muntu okoBulawayo ukuthi aze ngobunengi ukuzosekela iqembu lakhe kuhlelo lokucindezela idlalade labo lakuqala elile sihloko esithi "Chilo".

Vocal Ex
Vocal Ex

UMdlaziba uthi iqembu lakhe likhangelele ukuthi lelidlalade lizathintha inhliziyo zabanengi ngoba ingoma ezinengi ezimunyethwe yilo ngezichasisa ngembali langohambo asebeluthethe njengeqembu lokhe lasungulwayo.

Umhlabeli owe Vocal Ex
Umhlabeli owe Vocal Ex

Uqhubeke ethembisa bonke abafisa ukuza kulo umkhosi ukuthi babuye belungele ukukholisa abangazake bakubone ngengoma zokukhonza uNkulunkulu ngoba umculo wabo ngojonge ukuphakamisa umoya wokukhuthaza empilweni ngalezi zikhathi zobunzima elizweni.

Abantu abadala bazobe bekhokha amadollar amahlanu-$5 ukungena umuntu ngamunye kuloumkhosi kodwa abasakhulayo bazobe bekhokha amadollar amabili -$ 2 kuphela ukungena.

Abafisa ukuthola ulwazi olujulileyo mayelana laleli qembu le Vocal Ex, bakhona enkundleni yokuzilibazisa yebulenjini ekhasini labo ele Facebook phansi kwegama labo elithi Vocal Ex.

Facebook Forum

XS
SM
MD
LG