amalinks wokungena

Isikhathi esinengi abasakhulayo emhlabeni jikelele bavame ukuveza ukukhathazeka kwabo ngendlela ezitshiyeneyo ezifana lokutshengisela noma ukusebenzisa inkundla zebulenjini eze social media ukuze baphumisele abakucabangayo njalo beveza imbono yabo.

Kodwa abasakhulayo base Zimbabwe kungathi sebethule kancane ikakhulu ngales’isikhathi sekhefu leKhisimusi.

Omunye wabasakhulayo, uMnu. Gift Siziba, ongomunye wabakhokhela inhlanganiso yonkkankaso oweTajamuka-Sesijike Campaign koBulawayo, uthe abatsha bazabe bekhangelane lezokhetho oluzakwenziwa ngomnyaka ka2018.

“Thina njenga batsha umnyaka uma uqalisa sizobe si phatheka kumalungiselela okhetho luka2018 ukuze kube lokuthula njalo ukunanzelela kakhulu amalungelo abatsha.”

USiziba uphinde wathi abatsha bayavumelana ngomthetho lo ngoba laba abaphesheya bayizizalwane njalo balamalungelo njengabantu abazalelwa eZimbabwe.

Uthe isifiso sakhe ngesokuthi abasakhulayo babe lombono munye wokuthi kukhethwe umongameli oseselamacebo amatsha angcono okubusa njalo bebambane, baphiwe ithuba lokukhulumisana labadala ngalokho abakufunayo njengabatsha langokuthi ilizwe libuswe njani.

Umbalisi ohlala eGwanda yena osekhulile, uMnu. Thandeko Zinti Mnkandla, uthe isimo esikhona elizweni sithintha abatsha ngendlela embi ngoba yibo abathwele nzima kakhulu.

XS
SM
MD
LG