amalinks wokungena

Breaking News

Zambia: Kumele Kwenziwe Ukhetho Olukhululekileyo

  • Ntungamili Nkomo

Umphathintambo obona ngezokwethekelelana kweleZambia uNkosikazi Sylvia Masebo sekhuthaze eleZimbabwe ukuthi liqhube ukhetho olukhululekileyo ukuze umhlangano wamazwe womhlaba wokwethekelelana oweUnited Nations World Tourism Organization General Assembly uphumelele.

Ekhuluma lentathelizindaba eseLivingstone, uMasebo uthe ukhetho lungandulela umhlangano lo njalo lubelodlakela, inengi lilakho ukungabuyi emhlananweni lo okhangelelwe ukungenwa zinkulungwane lenkulungwane zeziphathamandla ezivela kwamanye amazwe womhlaba.

UNkosikazi Masebo wethule amazwi la ngemva kokuba ebambisane labammeli beMelika eZambia leZimbabwe kuhambo lokutshova amabhayisikili besuka emngceleni weZimbabwe bengena eZambia ngenjongo yokuthuthukisa ezokwethekelelana.

Ekhuluma emkhosini munye, ummeli weMelika eZimbabwe uMnu Bruce Wharton uthe inkokheli yebutho ayimelanga ingenele kwezombusazwe.

Umhlangano weWorld Tourism Organization lo uzaqhutshelwa eVictoria Falls laseLivingstone eZambia ngokusebenzelana kwamazwe womabili ngoNcwabakazi. Ukhetho lona alwaziwa ukuthi luzakwenziwa nini.

Ukuhlaziya amazwi kaNkosikazi Masebo sixhume ingcwethi kwezenotho uMnu Rejoice Ngwenya.

please wait

No media source currently available

0:00 0:02:50 0:00
Lapho esitholakala khona
XS
SM
MD
LG