Abenhlanganiso yomanyano wamabandla ezokholo yeZimbabwe Council of Churches bemanyene lezinye inhlanganiso ezisebenzisana lozulu baqhuba uhlelo lweviki, lokubonga imisebenzi eqhutshwa yilezi nhlanganiso. Imisebenzi eqhutshwa yilezinhlanganiso igoqela eyokuthuthukisa inhlalakahle kazulu, ezomnotho, ezombusazwe kanye lekulondolozwa kwemvelo njengalokho okumunyethwe kusisekelo sombuso weZimbabwe.
Lokhu kwaziswe encwadini yabeZCC abayithumele kwabezindaba, bethi kuqakathekile ukuthi ilizwe lithathe ithuba lokubonga okwenziwa zinhlanganiso ezitshiyeneyo elizweni.
Umgcinisihlalo wenhlanganiso yezakhamizi eyeHarare Metropolitan Residents Forum - HAMREF umnumzana Marvelous Khumalo uthi kuyinto ebajabulisayo ukubona ukuba bakhona ababuka ubuhle bemisebenzi abayenzayo.
“ Njengama Residents Association, siyathaba ukuthi bakhona abazimisele ukuma leqiniso, besegcekeni. Lokhu kuyasithabisa kakhulu, kakhulukazi ngoba sibona ukuthi lokhu kwenzakala esikhathini lapho uhulumende esithi yena, amaCSOs ayenza umsebenzi bethunywa ngezinye izizwe kakhulukazi eziku Western World.”
Wengeze uKhumalo ethi lokhu kuzabahlenga kokuvame ukukhulunywa ngabanye abakuhulumende abathi basebenzisana labezinye izizwe becatsha ngokuthi bacedisana lozulu.
“Lokhu sikwenzela thina lempumelelo yelizwe lethu leli leZimbabwe njalo le future kumbe elakusasa elelizwe leli leZimbabwe lowulu, i-future kazulu omutsha. So, siyathaba kakhulu ukuthi iZimbabwe Council of Churches siyenze lokhu njalo lokhu kuzasincedisa ukuze sibonise uhulumende ukuthi hayi, thina kasithunywa ngomunye umuntu kodwa konke lokhu esikwenzayo, sikwenzela ama-interest kazulu walapha eZimbabwe. Sisenza lokhu njengamaZimbabweans ukuze ilizwe lethu liphumelele.”
Okugcizelelwe ngeyinye inkokheli yenhlanganisyo eye National Associations of Non-Governmental Organisations ( NANGO), uNkosazana Esnath Chambiwa.
“Indaba ekhona yikuthi nxa umuntu ulento oyenzayo, chances are, kuzaba lama-criticism but criticisms kamelanga eyenze ukuthi umuntu ebe eseyekela ukuthi ayenze umsebenzi. Although kulabantu abayabe bekhuluma izinto besithi ama CSOs bayenza lokhu lalokhu. Abanengi bankhona bayenza okufunakalayo, abanengi bankhona bayenza okufuna ukuthi ilizwe lethu liphumelele.”
Ukubona imisebenzi yabo ibongwa uChambiwa uthi kubanika intshunkuntshu ukuba baqhubekele phambili ngomsebenzi lanxa bekhona abayabe belokhe bebasola.
“As long as singakhumbula khonokho, singababonga bona laba abasebenzayo abamele bakwenze and lapho abayabe besithi kulama-errors okumele kulungiswe as long as we work towrads fixing khonokho okuyabe kuthiwa kumele kulungiswe, I think at the end of the day, ilizwe lethu lingaphumelela. So, njengamaCSOs, siyabonga ukuthi kulabantu abananzelelayo ukuthi kulezinto ezinhle ezenziwa ngamaCSOs and bayakubonga.”
Lokhu kwenza kwabe ZCC kuza ngesikhathi uhulumende esethesa lezinhlanganiso umlandu wokuba seziphambuka emsebenzini wazo eselolonga lemithetho eqondisa ukusebenza kwazo ezibekela imigoqo eminengi nengi, esethusela ukuba zingayekela ukulandela lezo ziqondiso zizavalwa.
Lokhu kufakazwe yisehlakalo sangoMpalakazi nyakenye lapho uhulumende atshele khona abephephandaba leHerald, ukuthi abenhlanganiso lezi basebenzisana labamahofisi abameli bamazwe angentshonalanga, befundiswa imisebenzi yokuthi bagenqule uhulumende okhona.
