amalinks wokungena

Breaking News

ZCC: Uhulumende Kazame Ukukhulumisana Lenhlangothi Zonke Zempilo Ukulungisisa Inhlupho zeZimbabwe


Reverend Kenneth Mtata, unobhala jikelele weZimbabwe Council of Churches.

Uhulumende ukhuthazwa ukudinga indlela zokuqeda inhlupho eleZimbabwe elibhekane lazo hatshi kwezemfundo kuphela kodwa lakunhlangothi zonke zempilo.

Lezi ndlela kumele zivumele ukuphatheka kwenhlangothi zonke zempilo elizweni ngoba nxa engasenzanga njalo kulakho ukudala umonakalo omkhulu elizweni okwesikhathi eside kubuyisele intuthuko yokhe esithe yenziwa.

Lokhu kuvezwe ngunobhala wenhlanganiso yomanyano wamabandla ezokholo lwesiKhristu owe Zimbabwe Council of Churches, uReverend Dr Kenneth Mtata esipha umbono wakhe phezu kwesimo sohlangothi lwezemfundo lapho ababalisi abemba phansi besithi kababuyeli emsebenzini udaba lweholo labo luze lulungisiswe.

UMfundisi Mtata uthi nxa lokhu kungasalungisiswanga kulakho ukuphazamisa elakusasa laleli lizwe.

“Okonakeleyo yindaba yeSocial Contract, ubudlelwano bukahulumende lamaCitizens, le Labour lamabhizimusi ukuze umuntu wonke athi sizoqhubeka njani ngomnotho wesizwe, owenza ukuthi abathi umholo wabo awusoze usebenze ma bezothenga gemali yaphandle kodwa bona behola imali eyeZimbabwe engelawo amandla. Yi part and parcel ye bigger conversation ezomela ukuthi uhulumende ayihole, umuntu wonke aphatheke kuyo ”

Kwasekelwa ngophethe isikhundla esibona ngezemithetho enhlanganisweni yazifundi zemakolitshini lema university ye Zimbabwe National Students Union – ZINASU u Jingani Shoko.

“Uhulumende kumele aqakathekise zonke izisebenzi zakhe. Sibona uhulumende enguye owenza ingani ubuyela emuva ngezikhalazo ezilethwa ngababalisi. So kuqakathekile ukuthi uhulumende enelise ukuhlala phansi, ezwe konke abakufunayo ababalisi. ”

Abazali abanjengoNkosikasi Sihle Mathe wakoBulawayo baveza ukukhathazeka kwabo ngalesi simo sezemfundo.

“Kunzima, ama teachers lokhe engekho, ama qualified teachers. Besilesicelo kuhulumende ukuthi engazama ngazo zonke indlela kumbe abalungisele amateachers bantu, babuyele esikolo. Sikhangelele impilo zabantwana, i future yabantwana kusasa. Kulo mutsho lo othi umntwana kumele afunde angithi, at least nxa ufundile kuba ngcono. Nxa engafundanga umntwana ekuqaliseni akula budokotela, akula matitsha, akula masotsha, akula even uPresident. So siyacela kuhulumende ukuba kangenele bantu anike ababalisi abakudingayo. ”

Sikhuluma kunje izikolo sezivuliwe kuhlandla lesithathu lapho izifundi zonke ebezingakabuyeli esikolo ziqale ukwenza njalo kusukela ngoMvulo mhla ka 9 Lwezi.

Lanxa ubufakazi ezikolweni buveza ukuba kabayi emsebenzini ababalisi abanengi, umphathintambo wezemfundo yePrimary le Secondary umnumzana Cain Mathema utshele iStudio 7 ngoMvulo ukuba akatholanga imibiko yokuthi umsebenzi uphazanyiswe yikungayi kwababalisi emsebenzini izolo izikolo zivulwa okwehlandla lesithathu.

UMatema utshele njalo iphephandaba leHerald ukuba uhulumende uphakathi kokuqhatsha ababalisi abanengi ukuze abantwana babe ngamatshumi amathathu ekilasini eyodwa.

Udaba lwabezinkonzo bekhuluma ngababalisi siluphiwa nguMavis Gama
please wait

No media source currently available

0:00 0:03:36 0:00

Facebook Forum

XS
SM
MD
LG