amalinks wokungena

ZEC: Azaqala Ukuvivinywa NgoLwesine Amankampani Adinga Umsebenzi weBVR

  • Ntungamili Nkomo

Ikomishini ebona ngokuqhutshwa kokhetho izaqala ngoLwesine ukuvivinya amankampani adinga umsebenzi wokudingela ilizwe imitshina yokubhalisa abantu abalelungelo lokuvota eyemaBiometric Voter Registration kits.

Umgcinisihlalo weZimbabwe Electoral Commission (ZEC), uNkosikazi Rita Makarau, uthi kulamankampani amathathu adinga lumsebenzi avela emazweni abalisa eleGermany, eleBelgium leleChina.

UNkosikazi Makarau utshele amaphephandaba kahulumende ukuthi amankampani la kuzamele etshengise ubuntshantshu emsebenzini wokulobisa abazavota.

Phakathi kwamankampani la iZEC ithi izakhetha eyodwa eyabe itshengise ubungcwethi bezinga laphezulu.

Abamabandla ezombusazwe labenhlanganiso ezizimeleyo bavunyelwe ukuba khona bezibonele labo ukuthi amankampani la awuqhuba njani umsebenzi.

Uhlelo lolu luzaqhutshwa kuqala mhlaka 20 luphele mhlaka 28.

Umqoqi wenhlelo zeMDC-T, uMnu Abednico Bhebhe, utshele iStudio 7 ukuthi balethemba lokuthi uhlelo lolu luzaqhutshwa ngendlela esuthisa wonke umuntu.

Facebook Forum

XS
SM
MD
LG