Ikhomishini ebona ngokuqhutshwa kokhetho eyeZimbabwe Electoral Commission ithi inani labantu abavote ngoMvulo liphezulu kakhulu. Lanxa i-ZEC ingethulanga amanani abantu abavotileyo ngokugcweleyo, ithi ekutshoneni kwelanga eMasvingo besokuvote abantu abayisilinganiso sokungamatshumi ayisithupha ekhulwini 60%, koBulawayo abangamatshumi ayisikhombisa ekhulwini 70%, eMidlands abangamatshumi ayisikhombisa lanhlanu75%, kuthi eHarare besokuvote abangamatshumi ayisikhombisa ekhulwini,70%. Ukuhlaziya loludaba siqale ngokubuza ingcwethi ecubungula ezombusazwe uMnu. Brilliant Mhlanga ukuthi kambe amanani la avezani ngalolukhetho. UMnu. Mhlanga uthi kusobala ukuthi abantu bebevotela inguquko.
Inengi lithi lilokhu limelele impumela yokhetho ngabomvu, njalo lizibuza ukuthi kambe amazwi kawayengumongameli uMnu. Robert Mugabe awokuthi uzavotela umkhokhel we MDC Alliance uMnu. Nelson Chamisa angabe elethe inguquko yini kundlela abantu abavote ngayo. UMnu. Max Mnkandla, ingcwethi ecubungula ezombusazwe uthi ngempela inyathelo likaMnu. Mugabe lizakuba lomthelela omkhulu kumpumela yokhetho.
Isikhulumeli seMDC Alliance uMnu. Welshman Ncube uthi bemukela ngazo zombili usekelo lukaMnu. Mugabe.