amalinks wokungena

ZEC: Sesibhalise Abantu Abedlula Inkulungwane Ezimbili


Ikomishini ebona ngokuqhutshwa kokhetho ithi isibhalise abantu abazinkulungwane ezingamatshumi amabili lanhlanu i25,000, kuluhlu lwabantu abazavota kukhetho lomnyaka ozayo.

Umgcinisihlalo weZimbabwe Electoral Commission uNkosikazi Rita Makarau uthi njalo sebencediswe lugatsha lweUNDP ukudinga isiphala sokugcinela yonke imininingwana ephathelane lokhetho, iserver ngesingisi.

“Okwamanje sesibhalise abantu abangu 25, 000,” kutsho uMakarau ekhuluma ecingweni leStudio 7 ngoLwesithathu.

“Yiyo imbiko ebesesiyitholile ekutshoneni kwelanga izolo; bangu 25, 600. I-UNDP ithi isisitholele iserver entsha ezafika elizweni kumaviki amabili alandelayo.”

IZEC ithi izaqala ukubhalisa umuntu wonke, okugoqela uzulu wemaphandleni ngeviki ezayo ngoLwesibili ngoba isithole imitshina ebiyimelele.

Kodwa umqondisi wenhlanganiso yeShalom Trust uMnu Angliston Sibanda uthi iZEC kumele imemezele uhlelo lolu kabanzi ngoba okwamanje bebalutshwana kakhulu ababhalisayo.

Facebook Forum

XS
SM
MD
LG