Ikhomishini yeZimbabwe Electoral Commission (ZEC) ithi njengoba seluphelile uhlelo lwe Biometric Voter Registration (BVR) lokubhalisela abantu kugwalo lokuvota, okwamanje sebelungisa ugwalo lwe voters’ roll oluzasetshensizwa kukhetho oluzayo.
Omunye wabakukhomishini yeZEC, uNkosikazi Joyce Laetitia Kazembe, uthi lanxa loluhlelo solugqitshiwe uzulu lokhe eseselethuba lokuyabhalisa kulezondawo ezivele zikhona ezigabeni laseziqintini abakizo.
UNkosikazi Kazembe uthi ubufakazi asebelabo uthi buveza ukuba inani elikhulu lababhalise ukuba babe lelungelo lokuvota ngabantu beHarare, abakusilinganiso sokulitshumi lane ekhulwini (14% ) kuthi ezigabeni zeMaNdebeleni ikakhulu eMatebeleland South, inani labo libikwa liphansi kakhulu.
Abe ZEC baveze njalo ukuba isilinganiso esedlula kancinyane amatshumi amahlanu lane (54,5%) sababhalisileyo laba kungabesifazane, abakuchaze njengokuqonga okukhulu nxa kuqathaniswa lenani lababhalise kulungiselelwa ukhetho luka 2013.
Abe ZEC bathembise ukuba bazimisele ukuqhuba ukhetho oluzokwamukelwa ngumuntu wonke kungekho kukhonona njengalokho osekuthe kwenzakala ngesikhathi sokhetho eminyakeni edlule.
Bagcizelele ukuba osekumisiwe kuluhlelo lokubhaliswa kwabantu, belandwa duze lendawo abahlala kizo, kodwa luqhubekela phambili endaweni lapho bekuvele kubhalisela khona ezigabeni zonke ezilitshumi laseziqintini, ezedlula amatshumi ayisikhombisa (73 centres).