amalinks wokungena

Breaking News

ZEC: Ukhetho Luzakwenziwa ngoNtulikazi kumbe ngoNcwabakazi


Umgcinisihlalo weZimbabwe Electoral Commission uJustice Priscilla Chigumba uthi ukhetho luzakwenziwa yiloba nini phakathi kukaNtulikazi mhlaka21 kusiya kuNcwabakazi mhlaka 21.

Uthi lokhu yikho okutshiwo ngumthetho ngaphandle idale lephalamende lingadilizwa isikhathi lesi singakafiki.

Ekhuluma emhlanganweni phakathi kwekomishini yakhe, abamabandla ezombusazwe labenhlanganiso ezizimeleyo, uChigumba uthe njalo iZEC iphakathi kokuhlela uluhlu lwabantu abalelungelo lokuvota ukuze ilwethulele uzulu kusikhatshana esilandelayo.

Uthe njalo ikomishini yakhe ayikatholi imali eyaneleyo yokuqhuba ukhetho. Phakathi kwe$148 million efunwa yiZEC, uhulumende useyiphe i$98 million kuphela.

UChigumba uveze njalo ukuthi phakathi kwabantu asebebhalisele ukuvota, isilinganiso sokungamatshumi ayisithupha, ngabantu abaleminyaka ephakathi kwelitshumi lasitshiyagalombili lamatshumi amane.

Abehlanganiso ezizimeleyo labezombusazwe bona bakhonone kuZEC besithi inkokheli yosiko akumelanga ingenele kwezombusazwe ikakhulu isetshenziswa libandla leZanu PF.

Bathi njalo yinto engalunganga ukuthi iZEC ibe lezisebenzi ezingamabutho kumbe ezake zaba ngamabutho.

Ingcwethi kwezombusazwe uMnu Effie Dlela Ncube utshele iStudio 7 ukuthi ukuze iZEC iqhube umsebenzi ngokuqotho, kumele uhulumende ayidingele yonke imali eyifunayo.

please wait

No media source currently available

0:00 0:02:02 0:00
XS
SM
MD
LG