amalinks wokungena

Breaking News

Zibe Lesikhathi Esihle Izizalwane zeZimbabwe Esezihlala eSouth Africa Egigini Lokugqiba Umnyaka


UMnu. Thulani Mgoqo Jubane egigini aliqoqele abeZimbabwe asebehlala eSouth Africa

Beziphume ngobunengi izizalwane zeZimbabwe esezihlala eGoli, kweleSouth Africa, zayakuthi gwaqa eBerea Park egigini lamagigi okuphela komnyaka.

Enkulumeni yakhe kuzulu, uNduna Thulani Mgoqo Jubane, onguye oqoqe lumcimbi, uthe kuqakathekile ukuthi izizalwane zeZimbabwe zitshengise ukuzwana lokudlelana loba zisemazweni. Uthe into eqakatheke kakhulu kulabo abadabuka kwaMthwakazi, inengi labo onkaba zabo zilapha eMzansi, yikuthi bakhe ubudlelwano obuhle lezizalwane zakweleSouth Africa.

“Kuyangithokozisa kakhulu ukuthi ngibone isizwe saMahlabezulu sihlangene kanjena. And ma singenza njalo izinto zethu zizasilungela. Siyekele ukucwasana ngobuhlanga. Uma singabambana kuzasilungela. Asizona iziphepheli njengoba sila. La kusekhaya la kodwa njengoba kusekhaya nje inhlonipho iyadingeka.”

Obemele induna zakweleSouth Africa kuleli gigi uNduna uNdwandwe uphe isixwayiso kulabo abathi ngoba sekuyikhisimusi izilakalaka bahle bahwatshe batshwathike ezambeni.

“Ngani zakwethu ukujabula kuhle kodwa uJehova into angayifuni kumuntu yikudakwa ngoba lokho kuvele kwenze ukuthi umuntu abeselahlekelwa yinhlonipho kanti ukuphuza kuhle ngoba asiwenzi thina umcimbi singabi nawo amanzi amponjwana.”

Omunye wabaqoqi baleli gigi umnumnzana Alfos Fuyana uthi kubathokozise kakhulu ukubona izizalwane zeZimbabwe ziphetha umnyaka zindawonye.

“Umcimbi uhambe kahle kakhulu ngendlela eyisimanga. Kuze abantu bezomamela ukuthi amaleaders abo abaphatheleni. Okungijabulise kakhulu yikuthi lesizwe sakwazulu sikwazile ukuthumela izinduna ukuthi zime kunye nathi. Mina okungijabulisileyo yikuthi bekunabatsha. Kuyabonakala ukuthi mpela abantu bayathakazelela into zakubo.”

Kanti njengoba inengi lizabhekisa amabombo ekhaya kukhefu lekhisimusi induna uJubane uthole ithuba lokubafisela inhlanhla.

“Akube mnandi kube njalo. Sihambe kahle siye emakhaya siyojabula nabazali bethu siphinde sibuye singabaphilayo. Ndlelanhle!”

Lo ke ube ngumkhosi wokusina lemiculo kantike lembongi bezibizwa zisabele.

Facebook Forum

XS
SM
MD
LG