Uhulumende uqhubeka ebandezele ngamandla indlela zokwethula imibiko kanye lokusakaza elizweni kungelani lokuthi isisekelo sombuso welizwe sinikeza loba ngubani umuntu ilungelo lokuthi akhulume, ethule kanye lokwamukela imibiko ekhululekile.

Lokhu sekuvimba ukwethulwa kwezindaba lenkulumo zokutshiyana kwemibono ezindabeni ikakhulu emisakazweni yeZimbabwe.

Loba elizweni sekulenhlanganiso ezinengi ezethula imbiko kumaphephandaba kanye lasemisakazweni, uhulumende uqhubeka encindezela indlela inhlanganiso zezindaba ezisebenza ngayo ikakhulu emisakazweni ephansi kwakhe eyeZBC leZimpapers.

Imikhankaso yokuthi kusungulwe eminye imisakazo ezimele yodwa isileminyaka eminengi ingaphumeleli ngoba uhlangothi olubona ngezemisakazo olwe Broadcasting Authority of Zimbabwe (BAZ) lokhe luncitsha labo abafuna ukusakaza izincwadi zokuthi basakaze.

Kodwa osekulethe ukukhonona yikuthi labo abaphiwa lawo malicence basungula imisakazo efana leStar FM leZi FM bayaziwa ukuthi basekela uhulumende, osokulethe ukuncipha kwemibono ehlukileyo emisakazweni emitsha lemidala ehlezi ikhona.

Ofundisa ekholithsini leMidlands State University, uMnu. Brian Nkiwane, uthi uhulumende lokhe emadolonzima ukuvulela amathuba imisakazo elemicabango etshiyene lowakhe.

UNosazana Viviane Marara, owenhlanganiso emela imisakazo yezabelo iZimbabwe Association of Community Radio Stations, uthi ukupha imvumo yokusebenza imisakazo yezabelweni kulungele ukuthi kunika uzulu ithuba lokuthi athole izindaba ngendimi zalezo zabelo.

Uhulumende lokhe ekhuluma ngokuguqula imithetho enjenge AIPPA engenye eyenza ukusebenza kwentathelizindaba kubenzima.

Kathesi uhulumende usesibangeni sokubuza uzulu kanye lentathelizindaba abafuna kuguqulwe kulo umthetho.

Inhlanganiso ebona ngokuziphatha kwentathelizindaba kanye lemisakazo eye Voluntary Media Council of Zimbabwe ithi ilethemba lokuthi lokhu kuzakwenza intathelizindaba zisebenze zikhululekile kodwa ikhathazekile ngokuhlukunyezwa kwazo lapho ziqhuba umsebenzi wazo ikakhulu ngamapholisa lenkokheli yamabandla ezombusazwe.

Inhlanganiso le ithi lokhu kuvame ukwenzakala ngesikhathi sokhetho lapho intathelizindaba ziphathwa njengezitha yilabo abayabe belemicabango etsheyene laleyo esakaziweyo.

Umqondisi wale inhlanganiso, uMnu. Loughty Dube, uthi uhulumende kumele adale umumo okhuthaza ukusebenza kwentathelizindaba zingahlukumezwa.

Embed share

Udaba Esilethulelwe NguGibson Bhebhe

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:06:54 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala