amalinks wokungena

Abasakhulayo Badinga Ulwazi Kwezokulima


uMnumzana Lovemore Nyakazela

Umhlangano wemfundiso osanda kuqhutshwa yingcwethi yezokulima ekhokhela inhlanganiso yomsebenzi wokulima eye Agrimix, uMnu. Lovemore Nyakazela, koBulawayo kunsukwana ezedluleyo, utshiye idlabuzane elenze ukuthi inengi labasakhulayo koBulawayo bafisa ukuthola ulwazi olujulileyo lokuqhuba umsebenzi wokulima.

uMnu.Lovemore Nyakazela Lo Mnu.Mandlethu Ngwenya
uMnu.Lovemore Nyakazela Lo Mnu.Mandlethu Ngwenya

​IStudio7 ixoxe lo Mnu. Mandlethu Ngwenya, ongumunye wabatsha obekhona emhlanganweni wemfundiso ohle wathathela phezulu lumcabango wokungena emsebenzini wokulima.

Uthe uhlelo luka Nyakazela lulohlonzi njalo luzanceda abantu abanengi okumangalisayo nxa bengalalela ukuthi kulinywa njani.

uNgwenya uphinde wathi ukuba yingcwethi kwezokulima ngumsebenzi osuthisayo.

Utsho kanjalo ngoba ngombono wakhe, ezokulima yiyona insika kwezomnotho kwele Zimbabwe.

“Idolobha le Bulawayo, yilona idolobha elikhulayo kakhulu kwele Zimbabwe. Sokulabantu abanengi. Nxa uyingcwethi kwezokulima utshengisela eBulawayo, uzoba le nhlanhla yokuthi uzothengisa izinto ezinengi.”

Uphinde wathi into ehluphayo kakhulu phambili kokungatholakali kwemali kwele Zimbabwe, yikungatholakali kwabantu abanengi abalolwazi mayelana ngendaba zokulima.

Kunjalo nje, uNgwenya ukhuthaza abatsha kwele Bulawayo ukuthi bahambe kuhlelo olufana loluka Nyakazela.

Facebook Forum

XS
SM
MD
LG