amalinks wokungena

Breaking News

Ababalisi Bathi Bazakhalala Umsebenzi Uhulumende Engekela Ukulungisa Okubahluphayo


Ababalisi batshengisele emigwaqweni bekhonona ngeholo eliphansi lokunye okutshiyeneyo.

Abenhlanganiso zababalisi ezegoqela eyeZimbabwe Teachers’ Association (ZIMTA) leAmalgamated Rural Teachers' Union of Zimbabwe (ARTUZ) sebexwayise uhulumende ukuthi izikolo zilakho ukungavulwa ngemva kwekhefu nxa izikhalazo zabo zingalungiswanga.

Lokhu kwethulwe ngemva kokutshengisela kwamalunga enhlanganiso lezi emigwaqweni eHarare lemawofisini ohlangothi lwezemfuno.

Umkhokheli wenhlanganiso yeZIMTA, uMnu. Sifiso Ndlovu, uthi ababalisi balezikhalazo esezileminyaka edlula emihlanu uhulumende esehluleka ukuzilungisisa.

Ngakho-ke uthi balakho ukukhalala umsebenzi kusanda kuvulwa izikolo.

Unobhala jikelele weZIMTA, uMnu. Tapson Nganunu Sibanda, uthi phakathi kwezikhalazo zabo bafuna uhulumende abangezelele iholo njengoba kuyibo bodwa abangakaze bangezelelwe kusukisela ngesikhathi sikahulumende womanyano owe Government of National Unity.

Omele inhlanganiso yababalisi abafundisa emaphandleni, uMnu. Pride Mkono, uthi ababalisi bakhala njalo ngodlakela olubakhona ngesikhathi sokhetho lapho abavame ukuhlukuluzwa ngamasotsha labamalunga amabandla ezombusazwe.

Uthi imadlana efika itshumu lantathu lamadola esanda kunikwa ababalisi nguhulumende kayeneli.

Abongi labo bathi uhulumende engehluleka ukubangezelela iholo lokulungisisa indawo abasebenzela kizo bazatshengisela njalo bake bame ukusebenza ezibhedlela.

Udaba Esilethulelwe NguGibson Bhebhe
please wait

No media source currently available

0:00 0:03:26 0:00

Facebook Forum

XS
SM
MD
LG