amalinks wokungena

Izakhamizi: Utshaya Iganga uKasukuwere Othi Silethe iTyphoid

  • Mavis Gama

Abanye abaphila ngokuthengisa eHarare bathi kahloniphi umphathintambo wezentuthuko yamadolobho, uMnumzana Saviour Kasukuwere, othi yibo ababangela umkhuhlane wesihudo se-typhoid.

UKasukuwere utshele intathelizindaba kunsukwana ezisanda kwedlula ukuba labo abayala ukusuka kuNelson Mandela Avenue yibo ababangele ukuqhamuka kwe-typhoid emzini weMbare.

Kodwa bona bathi katshiyane lokubagcona alungisise okuyiyo imbangela yemikhuhlane enjengeyesihudo se-typhoid.

UMnumzana Sifelani Nyathi, ophila ngokuthengisa kuNelson Mandela Avenue bucwadlana le Harvest House, uthe akumelanga amazwi anje abe ngaphuma kunkokheli uqobo.

Abathengisa ezitaladini eHarare.
Abathengisa ezitaladini eHarare.

Uphinde wathi umkhuhlane we-typhoid ikubikwa ukuthi usubulale abantu ababili emzini weMbare loba nje ungumkhuhlane ovikelekayo.

Okukhulunywe nguKasukuwere kusolwe njalo yizakhamizi zeHarare, okubalisa uMnumzana Jeffias Moyo, othi ibonisa ukungazinikeli kwenkonkeli ye Zanu PF.

Abaphila ngokuthengisa kulindawo bathi iyabaphica ingqondo inkulumo kaKasukuwere le ngoba bona belihlekana nje labantu njengoba idolobha ligcwele uzulu ophila ngokuthengisa.

Inengi labathengisela duzane le Harvest House ngelithengisa impahla okubalisa izicathulo, amabhanti abesilisa lengwalo zabantwana besikolo.

Bathi akumelanga kungeniswe ezombusazwe ngesikhathi kumele idolobho leHarare lilwisane lomkhuhlane wesihudo.

XS
SM
MD
LG