amalinks wokungena

Breaking News

Abatsha beZanu PF Basungula Umkhankaso owe #EDhasMyVote2018


Umongameli Emmerson Mnangagwa

Abasakhulayo bebandla le Zanu PF sebesungule uhlelo lwebulenjini olwe #EDhasMyVote2018 Campaign, lokukhankasela uMongameli Emmerson Mnangagwa, ozancintisa kukhetho lomnyaka ka2018 lokudinga umongameli emele ibandla leli.

Abasakhulayo laba bathi bazasebenzisa lumkhankaso #EDhasMyVote2018 Campaign, ukukhuthaza abatsha ukuba bayebhalisela ukuvota kukhetho oluzayo.

Lanxa umkhankaso lo usungulwa ngabasakhulayo bebandla leZanu PF, inkokheli yaloluhlangothi ithi uqondiswe kuye wonke osesemutsha kungakhathalekile ukuba ngowaliphi ibandla njengoba inkinga zabo zifana.

Ophethe isikhundla sokuba ngumsekeli wohlangothi olubona ngokuqhutshwa komsebenzi kuZanu PF Youth League, uMabutho Moyo, uthi njengabasakhulayo, babona uMnangagwa njengomuntu ozinikeleyo ukubathuthukisa njalo engasiza ukubenza babe lekusasa engcono.

UMoyo uthi yena labanye abasakhulayo elizweni, balethemba lobukhokheli bukaMnangagwa kungakho bekhuthaza abanye babo ukuba bamvotela.

Uqhubeke esithi yena labanye abasakhulayo ilizwe lonke baledlabuzane elikhulu ngemva kokungenela kwabakubutho ukulungisisa isimo kwezombuso welizwe ngaphansi kohlelo lwe Operation Restore Legacy, ukumisa umonakalo kwezomnotho elizweni, kwasuswa obengumongameli ngaleso sikhathi, uMnu. Robert Mugabe labanye bakhe.

please wait

No media source currently available

0:00 0:03:59 0:00

Facebook Forum

XS
SM
MD
LG