amalinks wokungena

Breaking News

Kunanzwa Usuku Lwabesifazana Kwele Zimbabwe


Abanya abangene umkhosi wokunanza usuku lwabesifazana eHarare.

Annastacia Ndlovu

Ilizwe leZimbabwe limanyana lamanye amazwe womhlaba ngoLwesine ukunanza usuku lokuqakathekisa imisebenzi yabesifazana.

Kukhuthazwe ukuba bangazikhangeleli phansi kanye lokuzizwela usizi abesifazana kodwa bazibone njengabantu abaqhuba umsebenzi omkhulu wokuthuthukiswa kwesizwe.

Bekulabantu abanengi emkhosini wokunanza usuku lwabo mama.
Bekulabantu abanengi emkhosini wokunanza usuku lwabo mama.

Lokhu ngokunye kokuphume emkhosini wokujabulela usuku lokunanzwa kwemisebenzi yabesifazane olwe International Women’s Day owenzelwe e National Museum Art Gallery, eHarare oqoqwe lunhlangothi lwendaba zabesifazana enhlanganisweni yomanyano wamazwe omhlaba olwe United Nations Women.

Omunye wabakade besemkhosini lo, okhethe ukubizwa ngegama lokuthi nguGerald, osebenzelana lenhlanganiso yamantombazane eye Jungle Girls, uthi okumzwisa ubuhlungu yikuba abesifazana kabazi amandla abalawo.

UNkosikazi Priscilla Mhisihairawi Mushonga ngomunye wabangene umhlangano lo eHarare.
UNkosikazi Priscilla Mhisihairawi Mushonga ngomunye wabangene umhlangano lo eHarare.

UNkosazana Patience Sibanda, isifundi sekolitshini le National University of Science and Technology (NUST), uthe lanxa elujabulela lolusuku, lokhe ekhathazekile ngesimo sabasemaphandleni abangela lwazi ngamalungelo abo.

UNkosazana Yvonne Manjengwa, laye oyisifundi ekolitshini le NUST, uthe lolu lusuku oluqakatheke kuye njengowesifazana elizweni.

Uthe impi eyalwiwa ngabanye, ukukhulula abesifazane ebugqilini, isimsiza yena njengowesifazana osesemutsha.

Udaba Esilethulelwe NguMavis Gama
please wait

No media source currently available

0:00 0:02:08 0:00

Lonyaka lolusuku lunanzwa ngaphansi kwesihloko esithi ‘Time is now: Rural and urban activists transforming women’s lives’.

UNkosazana Linda Mpofu Ukhuluma Ngosuku Lwabesifazana
please wait

No media source currently available

0:00 0:01:07 0:00

UNkosazana Nomalanga Ncube, uNkosazana Senatra Nyathi, uNkosikazi Priscilla Sithole loMnu. Mandla Tshuma bathe kumele obesifazana baqakathekiswe kakhulu kwele Zimbabwe lemhlabeni wonke jikelele njengoba beyibo abakhengela konke okuhambelana lemuli.

UKosazana Helen Mpofu laye uthe lelilanga kumele libambanise omama njalo bafisa ukubasekela ngoba udubo lonke lungaphela uma bebambene njalo babazinkokheli eziqotho uma bebambene.

UNKosazana Barbara Van Hellemond, ummeli welizwe Netherlands eZimbabwe, eZambia leMalawi kuhlanganisa loNkosazana Catriona Laing omele iBhilithani eZimbabwe ngoLwesine bebekoBulawayo lapho abatshele umphakathi ukuba ilanga labomama liqhakathekile uhlupho yikuthi abesifazana abakwezombusazwe baphethwe kubi ngabesilisa.

Ilizwe leZimbabwe ilenhlelo ezehlukeneyo ezweni zokuhlonipha ilanga labesifazana laloba ilizwe libhekane lobunzima kwezomnotho lombusazwe okufaka owesifazana ebunzimeni obuphindiweyo uma kuqathaniswa labesilisa.

Udaba Esilethulelwe NguAnnahstacia Ndlovu
please wait

No media source currently available

0:00 0:02:34 0:00

Facebook Forum

XS
SM
MD
LG