amalinks wokungena

Breaking News

Abesifazana Bakhuthazwa Ukuba Bengene Kwezombusazwe


Kwenziwa umhlangano oqakathekileyo wabesifazana wokukhankasela ukuthi abesifazana baphatheke kwezombusazwe.

Sokuphawulwe umkhankaso wokukhuthaza abesifazane kunhlangothi zonke zempilo ukuba baphatheke kwezombusazwe, bancintise kukhetho njalo bavote kukhetho oluzayo.

Umkhankaso lo ubizwa ngokuthi yi50/50 Advocacy Campaign and Women’s Manifesto.

Abesifazane bakhuthazwe njalo ukuba base uhulumende, idale lephalamende kanye labamabandla ezombusazwe lezinye inhlangothi zemphakathini, emthethwandaba lapho abazakwethweswa khona umlandu wokwehluleka ukulandela iziqondiso ezikusisekelo sombuso ezijonge ukuthuthukisa abesifazane elizweni.

UMnu. Jacob Mudenda
UMnu. Jacob Mudenda

Obengumhlonitshwa emhlanganweni wokusungula umkhankaso lo, umlawuli wedale lephalamende uMnu. Jacob Francis Mudenda, uthi kuqakathekile ukuba abesifazane baphakame balwele amalungelo abo agoqela ukuphatheka kwezombusazwe.

Uxwayise abesifazane ukuba bavuse inkophe base uhulumende emthethwandaba ukuba achaze ukuthi kungani engazinikelanga ukulandela iziqondiso ezikusisekelo sombuso, zokuthi bathuthukiswe kizo zonke inhlangothi zempilo.

Umphathintambo obona ngezabesifazane labasakhulayo, uNkosikazi Sithembiso Nyoni, uthi kuqakathekile ukuthi abesifazana bangene kwezombusazwe ngobunengi babo.

Umhlangano wabesifazana owokukhankasela ukuthi abesifazana bangene kwezombusazwe.
Umhlangano wabesifazana owokukhankasela ukuthi abesifazana bangene kwezombusazwe.

Umsekeli kamabhalane wedale lephalamende, uNkosazana Helen Dingane, uthi esinye isizatho sokusungula lumkhankaso yikuba bananzelele ukuthi abaseifazane kabaphatheki ngokwaneleyo kwezombusazwe.

UNkosikazi Buhlebenkosi Moyo-Tshabangu, omunye wabaphatheke emsebenzini wokulwela amalungelo abesifazane, uvumelane lenkulumo kaMudenda esithi lokhu kuzakwenza ukuthi abesifazana bangene kwezombusazwe.

Omela abakhubazekileyo edale lephalamende, uSenator Anna Shiri, uthi lumkhankaso akumelanga utshiye ngaphandle abesifazane lamantombazane akhubazekileyo.

Udaba Esilethulele NguMavis Gama
please wait

No media source currently available

0:00 0:08:37 0:00

Facebook Forum

XS
SM
MD
LG