amalinks wokungena

Breaking News

Abadabuka eZimbabwe Abahlala eSouth Africa Bachothoza Okwenziwe Yizithunywa zeANC


FILE - Gwede Mantashe, Johannesburg, April 5, 2017.

Izizalwane zeZimbabwe kweleSouth Africa sezichothoze iqula leAfrican National Congress (ANC) elivela eZimbabwe ngokwehluleka ukukhuluma sobala leziphathamandla zeZanu PF ngokwephulwa kwamalungelo oluntu okuqhubekayo eZimbabwe.

Izizalwane zeZimbabwe lezi zithi umbiko wamabandlala womabili uveza sobala ukuthi akukhulunywanga lutho ngohlupho lweZimbabwe.

Isikhulumeli sebandla leThe Patriotic Front, uMnu. Mxolisi Ncube, uthi lumhlangano ubungowokuyachitha imali kunathwa itiye.

“Kusadingeka kakhulu ukuthi singabantu beZimbabwe sihlanganise amakhanda sivumelaneni ukuthi iSouth Africa lawo wonke amazwe aseAfrica ayikho into angasisiza ngayo.”

UMnu. Chrispen Nyoni owebandla leMthwakazi Liberation Front uthi iANC leZanu PF badlala ngamafutha abilayo emlilweni.

“Ma umuntu eyakuthi akulacrisis eZimbabqwe okwamanje uveza sobala ukuthi lowo muntu akalabuntu, lowo muntu ngosuthayo while abantu belamba bephakathi kohlupho.”

Esinye njalo isizalwane seZimbabwe, uMnu. Mlungisi Tshabalala, uthi ayihle iphume iphele kuloludaba iANC.

“Vele uqinisile uObert Mpofu ma esithi iANC ibizivakatshelele abangane bayo iZanu. Bebesiyaqinisana bebonisana ukuthi kufanele beqhubeke njani besihlukumeza.”

Kodwa isifundiswa seZimbabwe, uMnu. Bongani Nyathi, uthi kungenzeka ukuthi ensitha bekutshelwana amagama aqatha.

“Ngasese ma bekhuluma ibandla leANC kutsho ukuthi liyaqhubeka litshengisa ukungajabuli ngalokhu okwenziwa yiZanu PF.”

Le yinto egcizelelwa ngunobhalal jikelele webandla leZimbabwe Communist Party, UMnu. Ngqabutho Mabhena, yena othi kukhona okuhle okuzazalwa yilezi nkulumo.

“Kuqakathekile kakhulu ukuthi ibandla leANC likhulumisane leZanu pf ngoba ma iANC ingazange ikhulume layo ngeke siphume kuloluhlupho esikulo.”

Isiphathamandla sebandla Mthwakazi Republic Party, uMnu. Arbitor Malinga, ukhuthaza iANC ukuthi iqinise isandla ngaloludaba.

“IANC eqinisweni yona ifanele ikwazi ukuthi abantu beZimbabwe bathembele kuwo ukuthi ikwazi ukuthi kulawuleke isimo kuleliya lizwe.”

Kusenjalo iqula le ANC lithi lisazobuyela eZimbabwe liyekhulumisana lamanye amabandla ezombusazwe lenhlanganiso zikazulu.

Facebook Forum

XS
SM
MD
LG