amalinks wokungena

Breaking News

UNkosikazi Auxillia Mnangagwa Wethekelela Abaswelayo Ejele Lendawo Yentandane


Bebemanzi te abesifazane abayizibotshwa uNkosikazi Mnangagwa efika ukuzonanza usuku lweKhisimusi yalonyaka ebaphathele okudingakalayo okunjengabonamnede lezinye izibiliboco.

Umka mongameli uNkosikazi Auxillia Mnangagwa unanze ikhefu leKhisimusi ngokuya kuba lozulu okhohlakeleyo ogoqela abesifazane abasejele le Chikurubi Maximum Prison kanye lentandane labantwana abagcinwe emizini angamatshumi amabili lanhlanu eHarare lapho ababuthene eHarare Children’s Home eEastlea.

Banengi abafuna uncedo lokusuka entilongweni.
Banengi abafuna uncedo lokusuka entilongweni.

Bebemanzi te abesifazane abayizibotshwa uNkosikazi Mnangagwa efika ukuzonanza usuku lweKhisimusi yalonyaka ebaphathele okudingakalayo okunjengabonamnede lezinye izibiliboco.

UNkosikazi Mnangagwa utshengise ukukhathazeka ngesimo salendawo ikakhulukazi lapho okugcinwe abesifazana wathembisa ukusebenzisana leziphathamandla zikahulumende ukukulungisisa lokho.

izibotshwa ezixoxe loNkosikazi Emmerson Mnangagwa.
izibotshwa ezixoxe loNkosikazi Emmerson Mnangagwa.

Omunye wabatshengise injabulo ngaleli nyathela elithethwe ngumkamongameli nguNkosikazi Chipo Nkomo, omunye wabesifazane abavalelwe eChikurubi Maximum Prison.

Wazisa uzulu ongaphandle uNkosikazi Nkomo ukuba akangabakhohlwa ngabo abasejele.

Inengi labesifazana abasejele ngabadala amacala obuqili, oyedwa ebikwa wabulala ingane yakhe njalo eselesikhathi evalelwe.

Abantwana abanikwe uncedo ngabazimele bodwa.
Abantwana abanikwe uncedo ngabazimele bodwa.

Batshengise ukuzisola ngamacala abawenzayo, becela uzulu ukuba angalingi ukwenza abakwenzayo ngoba kungemnandi ejele.

Balikhulu lamatshumi ayisifica minwe mibili ( 180 ) abesifazane abavalelweyo kuthi ingane ezihlezi labonina kungezilitshumi lanhlanu, okuyisimo unkosikazi Mnangagwa athi kasisihle.

Bekujatshulwa benikezwa impahla eyehlukeneyo ebalisa ingubo, isepa lesetshenziswa ngabesifazane ngesikhathi belandela ama sanitary pads bethi ngokwakuqala ukuthola umka mongameli ebacabanga labo ngaleli khefu leKhisimusi, inengi sabakhohlakala, izihlobo labangane bengasazi ukuzababona.

UNkosikazi Auxillia Mnangagwa uphethe umntwana eChikurubi Maximum Prison.
UNkosikazi Auxillia Mnangagwa uphethe umntwana eChikurubi Maximum Prison.

Usuke lapho walubhekisa eHarare Children’s Home lapho abantwana abedlula amakhulu ayisithupha abavele emizini egcina intandane labantwana abaphuma emulini eziswelayo ama Children’s Homes angamatshumi amabili lanhlanu atholakala eHarare, ababuthene ukuzajabulela iKhisimusi laye.

Bebegcwele injabulo abantwana lapho benikezwa impahla nguNkosikazi Mnangagwa, lapho akhuthaze khona uzulu ikakhulu abazali ukuba banakekele abantwababo hatshi ukuthembela ukugcinelwa zinhlanganiso.

UNkosikazi Mnangagwa utshele abekade besemikhosini yomibili ukuba ufuqwe ngakubone kunhambo zakhe lapho ethekelele koBulawayo, eGwanda le Binga kwamvula amehlo ukunanzelela ukuba lukhulu okunganani udubo lwabaswelayo labakhohlakeleyo.

UNkosikazi Auxilia Mnangagwa
UNkosikazi Auxilia Mnangagwa

Bebelibaziswa ngendlela ezehlukeneyo abantwana abekade bese Harare Children’s Home le okubalisa abe Rose of Sharon Children’s Home.

Iziphathamandla zale imizi egcina abantwana zikhala ngokusilela kwabasiza abantwana ngemali yokubabhadalela indleko zesikolo, zama school fees lokunye.

Ubekhatshwe yiziphathamandla zikahulumende uNkosikazi Mnangagwa kunhambo zakhe zombili okubalisa umphathintambo wezemithetho umnumzana Ziyambi Ziyambi, umsekeli womphathintambo wezemali uMnu. Terrence Mukupe, umphathintambo wedolobha le Harare emahofisini kamongameli unkosikazi Mirriam Chikukwa labanye.

Udaba lokwethekelelwa kwabesifazana abavalelwe ejele ngeKhisimusi siluphiwa nguMavis Gama
please wait

No media source currently available

0:00 0:05:06 0:00

Facebook Forum

XS
SM
MD
LG