amalinks wokungena

Breaking News

Abanye Abantu Bathakazelela Isivumelwano seZimbabwe leBotswana


Kulothswa izivumelwano ...
Kulothswa izivumelwano ...

Uzulu we Zimbabwe wamkele ngemibono eyehlukeneyo udaba lokwengezwa kwesilinganiso semali ebolekwa uhulumende kaMongameli Emmerson Mnangagwa ngowakwele Botswana isuka kunkulungwane ezingamakhulu amahlanu amaPula isiya kubhiliyoni lama Pula.

Kulotshwa izivumelwano ezenziwe lilizwe leBotswana lele Zimbabwe ...
Kulotshwa izivumelwano ezenziwe lilizwe leBotswana lele Zimbabwe ...

Inengi labantu liveze intokozo kukanti abanye bebethandabuza ukuthi uhulumende uzalandela izithembiso lezibopho kules'isivumelwano.

Ekhuluma emhlanganweni lentathelizindaba, umphathintambo wezobudlelwano lamanye amazwe, uMnu. Sibusiso Moyo, uthe uMnangagwa lomunye wakhe uMongameli Mokwetsi Masisi wakwele Botswana balobelane isivumelwano sokusebenzelana kwezenhlangothi ezehlukeneyo zempilo ele Botswana lathembisa ukwengeza imali eyiboleka ele Zimbabwe.

Sebelobelene izivumelwano ...
Sebelobelene izivumelwano ...

Ezinye izivumelwano zenziwe enhlangothini zomsebenzi wezemigodi lowokutholakala kukagetsi eZimbabwe.

Omunye othakazelele lokhu nguMnu. Jason Matugela, isakhamuzi seHarare.

“Le yinto ejabulisayo kakhulu ukuthi lobanje sisebunzimeni akhona amanye amazwe asizwela isihawu. Okujabulisa kakhulu yikuthi iAfrica isebenzelana ndawonye. Njengabantu siyake sithatheke sicabanga ukuthi mhlawumbe oAmerica yibo abangasinceda kukanti thina ngokwethu sisenelisa ukusebenza ndawonye ukuze sithuthukisane njenge Africa.

UMnangagwa loMasisi ...
UMnangagwa loMasisi ...

Kodwa-ke osakhulayo ohlala eHarare, uTryson Mukudu uthi ufisa ukuzwa ingcazelo ebalulekileyo ekahulumende ngesivumelwano lesi athi kasicacanga.

“Yikuthi uncedo lwakhona aluzwakali ngoba thina sithe siqala ukuzwa udaba lolu babekhuluma besithi izabe ingama million angamakhulu ayisithupha engamadola ekwele Melika kodwa sebeguqulile yaba ngama Pula. Eqinisweni angikabikwazi, sesilinde uhulumende ukuthi achasise ukuthi imali esiyiphiwayo iyimalini njalo izasebenzani. Kodwa siyazi sonke ukuthi limali kayisoze incede ngalutho ngoba isezandleni zamasela.

UMnu. Trevor Nechikuni, esinye njalo isakhamuzi seHarare, uthi uzulu kumele angaphangi ajabule kakhulu kodwa alinde kuze kufezeke abakutshoyo.

IZimbabwe isibe lamathuba amanengi okulobelana izivumelwano zokusebenzelana lamanye amazwe ezithembisa ukuthuthukisa ilizwe kwezomnotho lakwezinye inhlangothi zempilo. Kodwa uzulu uthi kaboni lutho kuzivumelwano ezalobelwana lamazwe agoqela eleRussia, China, Belarus lamanye amazwe.

Udaba Esilethulelwe NguGibson Bhebhe
please wait

No media source currently available

0:00 0:03:57 0:00

XS
SM
MD
LG