amalinks wokungena

Breaking News

USamukeliso Moyo Uncitshwa Imali Yokunqoba Kumcintiswano Wokugijima


USamukeliso Moyo LoThabitha Tsatsa Bancitshwa Imali Yokunqoba Kumncintiswano Wokugijima
please wait

No media source currently available

0:00 0:01:15 0:00
Lapho esitholakala khona

USamukeliso Moyo LoThabitha Tsatsa Bancitshwa Imali Yokunqoba Kumncintiswano Wokugijima

Abagijimi bomango omude ababili abaphuma eZimbabwe bakhala ngokuthi baqilibezelwe kumcintiswano okade useGaborone kweleBotswana ngempela viki ngokuncitshwa imali ngemva kokulahleka bephakathi kokugijima lanxa befike emzileni masinyane kulabanye.

USamukeliso Moyo kanye loThabitha Tsatsa, balahlekile ngesikhathi begijima kumncitiswano wamakhilomitha angamatshumi amane lambili i42km, edolobheni leGaborone ngoMgqibelo.

UTsatsa ube eqede engowokuqala kumele amukele amadola azinkulungwane ezinhlanu $5,000, kumbe amapula ayinkulungwane ezingamatshumi amahlanu iP50,000.

UMoyo ube qede engowesithathu kumele athole amadola azinkulungwane ezimbili ($2,000) kumbe inkulungwane ezingamatshumi amabili (P20,000).

Kodwa basuke eBotswana belengise izandla okubadanisileyo, njengoba uMoyo elandisa udaba lwabo.

"Nxa kuyikuthi asibhadalwa, isizatho kuyini. Nxa kuyikuthi yikulahleka, ngilahleke ngayedlulela, ngaphenduka ngaze ngayafika lapho okumele siqede khona (abanye bengakafiki)."

Kodwa uMoyo kanye loTsatsa bathi kabasoke bathathe udaba lolu lula. Bathi befuna ukuludlulisela phambili lapho abangathola khona uncedo.

Abaqoqe lomncitiswano weGaborone Mayor's Marathon, batshele ababili laba ukuthi bayehlukaniselane imali eyinkulungwane ezingamatshumi amabili amapula (P20,000).

Kodwa bayalile limali basithi bafuna ukudlulisela udaba lwabo phambili lapho abangathola khona uncedo.

XS
SM
MD
LG