amalinks wokungena

Breaking News

Bathwele Nzima Abadabuka eZimbabwe Abadinga Imisebenzi kwele South Africa Lakwele Botswana


FILE: Banengi abantu abadabuka eZimbabwe abahlala kwele South Africa. REUTERS/Philimon Bulawayo
FILE: Banengi abantu abadabuka eZimbabwe abahlala kwele South Africa. REUTERS/Philimon Bulawayo

Abadabuka eZimbabwe abasebenza kwele Botswana, eSouth Africa lakwale Bhilithane bathi kayisatholakali imisebenzi.

Bathi sebesehluleka lokuphandela imuli zabo ukudla ngenxa yokuswelakala kwemisebenzi. Bathi abantu abadabuka emazweni la sebefuna yonke imisebenzi egoqela eyokufundisa ezikolo leminye.

Abanye bathi kunzima lokwenza imisebenzi yezandla ngoba abantu bokuza bakhangelelwa phansi emazweni la.

Ukuze sihlaziye udaba lolu, sixoze loMnu. Joseph Tshuma, okudale leCentral Committee kubandla leZanu PF, labanye abantu abadabuka eZimbabwe abasebenza phandle kwelizwe.

UTshuma uthi kumele abadabuka kwele Zimbabwe babambisana balungise okuhluphayo elizweni okugoqela ukuswelakala kwemisebenzi.

Osebenza kwele South Africa, uMnu. Msunduzwa Ndlovu, uthi imisebenzi kayisekho kwele South Africa okwenza ukuthi abantu benze konke okungabaphilisa.

UKeysdon Muleya, odabuka eZimbabwe ohlala kwele South Africa, uthi lababalisi bathwele nzima njengoba ilizwe leSouth Africa lingafuni ukuqhatsha abantu bokuza abanengi.

Abantu abanengi babaleka kwele Zimbabwe besiyadinga imisebenzi kwamanye amazwe.

XS
SM
MD
LG