amalinks wokungena

Breaking News

Ikhansili Yako Bulawayo Ithole i$7 Million Yokulungisa Indawo Yokwakha Izindlu


Ikhansili yakoBulawayo ilobelane isivumelwano lebhanga leCBZ.

Ikhansili yedolobho lakoBulawayo isilobelane isivumelwano sokusebenzelana lebhanga leCommercial Bank of Zimbabwe (CBZ) esokulungisa indawo okuzakhwakhiwa khona izindlu eMahatshula East.

Kusivumelwano lesi, ibhanga leCBZ lizanika idolobho lakoBulawayo izigidi eziyisikhombisa zamadola eMelika - $7 million.

Imali le izasetshenziswa ukulungisa imigwaqo lempompi zamanzi kungakakhiwa izindlu ezingamakhulu ayisikhombisa – 700.

Umqondisi weCBZ koBulawayo, uNkosikazi Joannah Dube, uthe ulethemba lokuthi lokhu kuzakwenza ukuthi abantu abahlala edolobheni leli abangelazindlu benelisa ukuba lezindlu zabo.

UMnu. Bothwell Sibanda utshengisa iziphathamandla lekhansili yakoBulawayo lezebhanga leCBZ lapho okuzakhiwa khona izindlu eMahatshula East.
UMnu. Bothwell Sibanda utshengisa iziphathamandla lekhansili yakoBulawayo lezebhanga leCBZ lapho okuzakhiwa khona izindlu eMahatshula East.

​Obambele uMayor wedolobho lakoBulawayo, uKhansila Norman Hlabano, uthe isivumelwano lesi senziwe ngesikhathi ikhansili yakoBulawayo ibhekane lokuswelakala kwemali.

Umsekeli womqondisi wedolobho leli obona ngezokwakhiwa kwezindlu lokunye okufanayo, uMnu. Dictor Khumalo, uthe ikhansili yakoBulawayo okwamanje ilabantu abazinkulungwane ezedlula ikhulu- 115,000 - abamelele ukuthola indawo yokwakha kumbe izindlu.

Ububanzi bendawo zeMahatshula East zingamakhulu ayisithupha sokuyisilinganiso samasquare metres.

Kulandela ukumamanzonzo kwezomnotho, ikhansili yedolobho lakoBulawayo iyehluleka ukulungisa indawo zokwakhela izindlu osekudale ukuba inani labantu abalinde ukuthola izindlu likhuphuke.

Ibhanga leCBZ lithe ingqe ngubani ulakho ukuthola isikwelede sokwakha kumbe ukuthenga indlu ngemva kokugcinisa imali ebhanga okomnyaka.

Facebook Forum

XS
SM
MD
LG