amalinks wokungena

Breaking News

IQembu leChicken Inn Linqoba Ele Bantu Rovers Emdlalweni wePSL


Iqembu le Chicken Inn lidlala lele Bantu Rovers 2.0

Iqembu leChicken Inn ngoLwesithathu linqobe iqembu leBantu Rovers 1-0 enkundleni yeLuveve koBulawayo.

UDarryl Nyandoro nguye ohlohlele iqembu leChicken Inn kodwa umqeqetshi wabonozinti baleliqembu uJulius Ndlovu utshele intathelizindaba ukuba banqobe nzima ngoba iqembu leBantu Rovers lalo lidlale kuhle kakhulu.

Umqeqetshi weqembu leBantu Rovers uMethembe Ndlovu uthe abafana bakhe badlale kuhle kakhulu loba bedliwe njalo basuke baphazamiswa yikungabi khona kwabadlali abambalwa abalimeleyo ababalisa imvimbi uFortune Sibanda, uShadrack Nyahwa kanye loDumisani Ndlovu yena ovinjwe ukudlala yinhlanganiso yePSL ngemva kokuthola amakhasi amathathu alithanga.

Emdlalweni wesibili obusenkundleni yeLuveve oqale ngehola lesithathu iqembu leHow Mine libe ngutshiki lobhanqa lele ZPC Kariba kungela qembu elenelise ukulitshayela emambuleni.

Kweminye imidlalo edlalwe namhla iqembu le Hwange libhaxabule ele Tsholotsho nge 4 ka nya, ele Yadah linqobe ele Harare City nge 1 ka nya, ele CAPS United lele Shabanie Mine abe ngutshiki lobhanqa 0-0 kuthi ele FC Platinum linqobe eleDynamos nge 3 ka 1.

Imidlalo ye Castle Lager Premier Soccer League iqhubekela phambili ngoLwesine lapho iqembu le Bulawayo City elizadlala khona lele Highlanders enkundleni yeBarbourfields, ele Black Rhinos lizadibana lele Ngezi Platinum Stars enkundleni yeMorris Depot kuthi ele Triangle lizemukela ele Chapungu enkundleni ye Gibbo.

Kolunye udaba olumayelana lomdlalo wenguqu iqembu lamajaha aleminyaka engaphansi kwelitshumi lesikhombisa elimela ilizwe emdlalweni wenguqu linqotshwe nge 2 ka 1 ngele Botswana okutsho ukuba liphutshe imidlalo yalo kumncintiswano we Cosafa oqhutshelwa elizweni leMauritius linqotshwe kuyo yonke imidlalo yalo emithathu njalo lingela ngitsho lowodwa umklomelo.

Udaba Esilethulwe NguJoseph Njanji
please wait

No media source currently available

0:00 0:01:58 0:00

Facebook Forum

XS
SM
MD
LG