amalinks wokungena

Inkampani Eyakha Amavinkili Ikhuthazwa Ukuthi Iqhatshe Abantu Bako Bulawayo


UMnu. Emmerson Mnangagwa loNkosikazi Eunice Sandi Moyo.

Umphathintambo obona ngokwenzakala koBulawayo, uNkosikazi Nomthandazo Sandi Moyo, uthi kumele inkampani eyakha amavinkili elokitshini leCowdray Park koBulawayo iqhatshe abantu bedolobheni leli.

UNkosikazi Sandi Moyo wethule amazwi la ngesikhathi umsekeli kamongameli, uMnu. Emmerson Mnangagwa, efaka isikhonkwane senkampani yeSAI Enterprises eyakha amavinkili eChoppies.

Wethulele amazwi la kumqondisi wenkampani le, uMnu. Raja Modi, eyakha amavinkili azabiza izigidi ezilitshumi zamadola - $10 million.

UMayor wakoBulawayo uMnu. Martin Moyo, okade esembuthanweni lo ngempelaviki, uthe kuhle okwenziwa yiSAI Entreprises.

UMnu. Emerson Mnangagwa ufaka isikhonkwane lapho okuzakhiwa khona iChoppies koBulawayo.
UMnu. Emerson Mnangagwa ufaka isikhonkwane lapho okuzakhiwa khona iChoppies koBulawayo.

Uthe kumele amanye amankampani enze okufanayo koBulawayo.

UMnangagwa ucele uModi ukuba asekele abalimi abaduze ledolobho lakoBulawayo ngokuthenga izilimo zabo ukuze uhlelo lukahulumende olusekela abalima ngokuthelezela luphumelele.

Engakayi kulumkhosi, uMnangagwa ubekhonza enkozweni yeHoly Trinity Roman Catholic Church, lapho aphe khona isipho senkulungwane zamadola yokuphathisa ekwakhiweni kwesakhiwo senkonzo esilumathe umlilo satsha kunyanga ezimbili ezedluleyo.

Uthe kuqakathekile ukuba ibandla lezenkonzo lifundise abantu ukuthula uthando lokubambana.

Kusenjalo, uModi lemuli yakhe bona baphe inkulungwane ezinhlanu zamadola ukuze indlu yebandla eyatshayo ilungiswe.

Uthembise ukuqhatsha abantu besigaba engakhethi kusiya ngokuthi bayawazi na umsebenzi kumbe hatshi.

UModi lemuli yakhe labo bakhonze eRoma andubana ayevula okusemthethweni igceke lebhizimusi lakhe.

UMfundisi Gilbert Moyo weTrinity Roman Catholic Church ubonge kakhulu ukwelula izandla okwenziwe ngababili laba esithi size ngesikhathi esihle ngoba kade belendingeko yokufulela kakutsha indawo yabo yokusontela.

UNkosikazi Thabani Phiri, obongele ibandla lonke, uthe bayathokoza ngesipho lesi ngoba imali le izabanceda kakhulu ukulungisa umonakalo osephahleni.

Ngemva kokuphawulwa okusemthethweni indawo ezakwakhelwa amavinkili, uModi uphe izipho zokudla kumuli zeCowdray Park eziswelayo ezibiza inkulungwane ezilitshumi zamadola. Umkakhe, uNkosikazi Paro Modi, uthembise ukuba bazakhangela njengemuli ukuba yisiphi isipho abazakuya sipha imuli ezahlaselwa zimpopoma zamanzi eTsholotsho.

Facebook Forum

XS
SM
MD
LG