amalinks wokungena

Breaking News

Kuphendlwa Indlela Yokukhumisana Umlotha Kuka Chamisa loMnangagwa


UMnu. Nelson Chamisa uhlangana lamalunga enhlanganiso yokholo lweSikhristu

Amalunga enhlanganiso yabokholo lweSikhristu eyeZimbabwe Heads of Christian Denominations ayenze umhlangano ngoLwesithathu loMnu. Nelson Chamisa ocanda indlela angakhulumisana ngayo loMongameli Emmerson Mnangagwa.

Omunye walabo abangene umhlangano lo, uMfundisi Kenneth Mtata, uthi badinga indlela yokuthi ababili laba balungise okuhlupha uzulu eZimbabwe.

UMfundisi Mtata uthi bakubone kuqakathekile ukuthi baphendle indlela zokuthi uChamisa loMnangagwa bahlale phansi bahlenge ilizwe elilomnotho obhidlika okumangalisayo.

Kasenelisanga ukukhuluma ngodaba lolu lesikhulumeli sikamongameli webandla leMDC kanye leziphathamandla zebandla leZanu PF.

Ibandla leMDC lithi uMnangagwa lebandla lakhe batshontsha ukhetho nyakenye ngakho-ke abavumi ukuthi nguye okhokhela ilizwe.

Ibandla elibusayo kukhanya lisehluleka ukuvuselela umnotho weZimbabwe kulandela ukhetho lolu.

Facebook Forum

XS
SM
MD
LG