Izizalwane zeZimbabwe ezihlala phandle kwelizwe ezethekelele ekhaya zithi zimangaliswe yibunzima bempilo lesimo somnotho esibi.
Inengi lithi ikhefu leKhisimusi belingamnandi njengenjayelo ngakho bathi ukubuyela lapho abahlala khona sokubaphuzele.
Omunye wabakhala ngobuzima lobu nguMnu. Themba Ncube osebenzela kwele South Africa.
“Ngibuyile laph'ekhaya koBulawayo ngihlala eNkulumane kodwa ngisebenzela eSouth Africa njengabanye abafana lami ngise Johannesburg. Bengithi ngibuyekhaya lapha ngike ngizam’ukuthi sibone iKhisimusi singayidla lemuli. Ma ngifika laphekhaya amachallenges engabe ngihlangane lawo ngamachallenges awokuthi imota yami besithwala nzima ukuthi sikwanise ukuvakatshela abanye ngendaba yamafutha epethulo.”
Omunye wabahlaba omkhulu umkhosi nguNkosazana Anastacia Kikins osebenzela eNgilandi.
“Kunzima kakhulu ekhaya lapha. Izinto zikhwelile, bafuna amabond, bafuna ama USD lama Rand manje kunzima ukutholakala lapha. Uyathi uhamba namhla yi$2 kusasa yi$15.”
Kodwa uMnu. Sipho Mawabeni, ohlala eBhilithane oseZimbabwe okwamanje, uthi kumnandi kakhulu ekhaya.
“… Abantu abanengi abaku private sector abahlala emzweni babuyile njalo kuyakhiwa lapha. Kukhanya kuhamba kahle. Lemgwaqo ngikengabona umgwaqo ovela eGwanda usiya le eKezi … Kuyakhiwa bayazama ukwenza ubungcono babo.
Kukhala kuzekukhale labavela khonale eMelika abanjengo Mnu. David Ndlovu.
“Ngivela eCanada bengibuye ukuthi ngizobona abazali ngihlala lapha koBulawayo. IKhisimusi yami ayizange ibemnandi ngoba ukudla akukho. Akulalutho ngoba into zonke zikhwelile akulanto enhle yonkinto iyalayinelwa. So, sengicabanga itikiti lami ngibuyele futhi le ngoba angiyiboni into engabe ngiyihlalele eZimbabwe.
Kukhala wonke umuntu, imali iyahlupha, amafutha ezimota kawatholakali njalo intengo yempahla ikhuphuka njalo nje. IKhisimusi kwabanengi ibiziqandela nje.
