amalinks wokungena

UAncillar Mangena Uthola Umvuzo Omkhulu oweCNN African Journalist Award


UNkosazana Ancillar Mangena ngelanga ephiwa umvuzo wakhe eCNN.

Osakhulayo wasedolobheni lako Bulawayo oyinthathelizindaba kuphephandaba le Forbes Africa, uNkosazana Ancillar Mangena, usethuthuke waba ngeyinye yentatheli elohlonzi kuzwekazi leAfrica ngemva kokunqoba kwakhe kumncitiswano walonyaka owe Cable News Network African Journalist Awards.

UMangena uthe, “Ukunqoba kulomncitiswano kuyinto okungijabulisa kakhulu ngoba ngile minyaka embili kuphela ngisebenza ngiyinthatheli yendaba.”

Longumncitiswano owesibili uMangena enqoba. Uqale wanqoba kumncitiswano owe SANLAM Excellency International Journalism Awards. Ukunqoba lokho kwambonisa ukuthi umsebenzi wakhe uqakathekile kakhulu kwele Africa.

UNkosazana Ancillar Mangena.
UNkosazana Ancillar Mangena.

Ekhuluma nge nkinga ake abhekana nazo njengosakhulayo oyinthathelizindaba eForbes Africa, uMangena uthe ukuze athole imfundo eye journalism wabhekana lenkinga enengi, kodwa ngenxa yokuthi wenza kahle esikholweni njalo wathola ubungcwethi esebenza ngesikhathi lapho izikolo zivaliwe ukuthola umsebenzi kwaba lula.

“Ukuba yinthathelizindaba kwele Africa kunzima. Ungabheka lapho ngiphuma khona wonke umuntu uyazi ukuthi eZimbabwe indaba zombusazwe ziyahlupha njalo amalungelo enthathelizindaba ahlala enyathelwa nguhulumende. Lokho kuyinto engangivimbela ukuthi ngiyenze umsebenzi wami kahle.”

UMangena uphinde wasitshela ukuthi ukunqoba khwakhe konke lokhu ukwenzela abantu bakoBulawayo abamfundisa ukusebenza kakhulu njalo isifundo sokuthi umuntu kumele aqine empilweni.

XS
SM
MD
LG