amalinks wokungena

ZCTU: Sesifikile Isikhathi Sokuthi Uhulumende Webandla leZanu PF Aphume Embusweni

  • Mavis Gama

UMnu. Japhet Moyo loMnu. Peter Mutasa abenhlanganiso yeZCTU.

Abenhlanganiso yezisebenzi eye Zimbabwe Congress of Trade Unions (ZCTU), bakhuthaza uhulumende kaMongameli Robert Mugabe ukuba abhidlizwe kudedelwe iqula labantu elizobunjwa likhokhele umsebenzi welizwe ukwenzela ukunqabela ukubhidlika komnotho.

Unobhala jikelele we ZCTU, uMnu. Japhet Moyo, utshele intathelizindaba eHarare ukuthi lumqondo uphume emhlanganweni wabo owenziwe ngenyanga edluleyo.

UMoyo uthi abazathatha umbuso lo bazanikwa ithuba lokuthi benze okutshiyene lokwenziwa nguhulumende okwamanje.

Sokukhuphuke intengo yempahla okumangalisayo ezitolo ezinengi.
Sokukhuphuke intengo yempahla okumangalisayo ezitolo ezinengi.

IZCTU ithi inking ezibhekane labantu beZimbabwe yikwehluleka kwebandla leZanu PF ukuthi likhange osomabhizimusi bemazweni abangathuthukisa umnotho weZimbabwe lokunye okufanayo.

UMoyo uphinde wathi kumele losibalukhulu webhanga elikhulu lelizwe eleReserve Bank of Zimbabwe asuke esikhundleni ngoba uqhube uhlelo lwama bond notes osolubhidlize umnotho weZimbabwe.

Inhlanganiso le ifuna njalo uhulumende abize umhlangano ozangenwa yinkokheli zenhlangothi zonke zikazulu elizweni, wokuhlaziya lokubonisana kutshelanwa iqiniso, phezu kokungenziwa ukuvuselela umnotho welizwe wona osukusibanga esibi.

Facebook Forum

XS
SM
MD
LG