amalinks wokungena

Breaking News

'Abantu Bangena Santando eBotswana Lakwele Zimbabwe Bengahlolwa iCoronavirus'


Botswana Border

Izihambi ezisebenzisa umngcele wePlumtree ukungena lokuphuma elizweni zithi azithakazeleli ezikubonayo phezu kwamanyathela okwenqabela ukumemetheka kwegciwane lecoronavirus.

EleZimbabwe lithi lizimisele ukulwisana lokumemetheka komkhuhlane wegciwane leCoronavirs, osubelele abantu abenengi emhlabeni jikelele.

Kodwa izihambi ezingena ziphuma kwele Botswana zisebenzisa umngcele wePlumtree zithi azithakazeleli ezikubonayo kulendawo, phezu kwemizamo yokulwisana leCoronavirus.

UMnu. Lenin Ndebele obeyethekelele kwele Botswana uthi kungenzakala ukuthi umemetheke kakhulu umkhuhlane lo ngenxa yokuthi akulaziqondiso ezibalulekileyo yokuwuvimba emgceleni wakwele Botswana lele Zimbabwe.

"Kucele leZimbabwe akula kuhlolisiswa (phezu kumkhuhlane wecoronavirus), udindisa ipasiphothi yakho uzidlulele nje. Uzafika (kucele) leBotswana, yikho lapho abakuhlola ukukhudumala komzimba, uma kuphezulu bayakuhlola ukuthi kawulamkhuhlane wecorona.

Lapho kuseBotswana ma ungena, kodwa kucele leZimbabwe, akulalutho, yikudlula nje, njalo akulamanzi."

Uthi noma abantu sebengena eZimbabwe, izisebenzi zeZimbabwe Revenue Authority (ZIMRA), zihlola imphahla yezihambi zingagqokanga okungazivikela ukuthi zingenwe ngumkhuhlane weCOVID 19.

EleBotswana alikabi lomuntu olegciwane leCOVID 19, kodwa kulokwesabela okunengi ukuthi noma yisiphi isikhathi.

Lokhu kuza ngesikhathi igciwane leli limemetheka ngamandla emazweni amanengi womhlaba ikakhulu aphetsheya agoqela eleChina lapho oqalisele khona, eleMelika lamanye selingene kakhulu elizweni elingumakhelwane eleSouth Africa.

Facebook Forum

XS
SM
MD
LG