amalinks wokungena

Breaking News

Abadabuka eZimbabwe Abahlala Kwele South Africa Bethuswa Yikuqhamuka Komkhuhlane weCoronavirus


FILE: Kuhlolwa Indawo Zokwelapha Abalomkhuhlane Onjenge Coronavirus

Bathi sebehlalele evalweni abeZimbabwe kwele South Africa ngemva kokutholakala komuntu wakuqala kuleli lizwe olegciwane leCoronavirus eselibulele inkulungwane lenkulungwane zabantu ikakhulu kweleChina.

Ngokutsho kombiko owethulwe lugatsha lwezempilakahle kwele South Africa, obanjwe elaleligcikwane ngowesilisa obesanda kwethekelela kwele Italy ehamba lomkakhe labanye abalitshumi.

Owesilisa leqembu lakhe baphenduke kwele South Africa ngeNsonto edluleyo. Kuthe ngoLwesithathu owesilisa lo obesizwa umvimbano, ukukhwehlela, umphimbo lekhanda wasesiyabona udokotela.

Ngemva kokuhlolwa kwegazi lakhe kutholakale ukuthi ulegcikwane leCoronavirus.

Izizalwane zeZimbabwe zithi leyinto esitshiye izinkulungwane zeZimbabwe kwele South Africa zihlalele evalweni.

Zithi okubesabisayo yikuthi owesilisalo njengoba efike ngensonto, ehamba labanye abalitshumi, egade labanye indizamtshona, wafika wahlala, kwaze baba lamhlanje, lokhu kungabe kusitsho ukuthi igciwane leli selingene kwabanengi.

Abanyeke bathi vele kungani engabonakalanga esehla esilindweni sendizamtshina njengoba uhulumende esithi kulemitshina eqaphe lokho.

Kodwa-ke umphathintambo wogatsha lwezempilakahle, Zweli Mkhize, uthi kuyenziwa konke ukuvikela ukungena kwaleli gciwane.

“Ukuhlohlwa konke kwenziwe kodwa ogulayo lo ubengelazo izibonelo zokuthi ulaleli gciwane.”

Esinye isizalwane seZimbabwe, uMnu. Mthabisi Mlingo, uthi okunye osekusethusa yikuthi iSouth Africa isanda kumemezela ukuthi ifuna ukuyathatha izizalwane zayo ezedlula ikhulu lengxenye (151) ezivaleleke edolobheni leWuhan kweleCgina lapho okuhlasele khona kakhulu leligciwane.

“Khona kutshayisa ngovala ngoba igcikwane leli lithwalise nzima amazwe alomnotho osezingeni eliphezulu. Asazi ukuthi nxa kungenzeka iphutha abantu laba babuye lalo lapha ligcine lisabalele eAfrica kungacina kuvalwe ngehlahla.”

Kusenjalo, uhulumende uthi sekuthunyelwe iziphathamandla zezempilakahle Kwazulu Natal lapho okuhlala khona owesilisa lowu ukuze kulandelelwe bonke aseke ahlangana labo.

Bakhala Ngokuqhamuka Komkhuhlane weCoronavirus Kwele South Africa
please wait

No media source currently available

0:00 0:02:11 0:00


Facebook Forum

XS
SM
MD
LG