Aphelelwe ngamacebo amabandla ezokholo Zimbabwe kweleSouth Africa laphakathi kweZimbabwe ngezinkonzo zangempelaviki kulandela imigoqoenqabela ukubuthana kwabantu abedlula ikhulu eyethulwe yinkokheli yamazwe womabili.
Umthetho owenqabela ukubuthana kwabantu abedlula ikhulu osanda kumenyezelwa
eZimbabwe lakweleSouth Africa usutshiye amabandla ezokholo elesiyezi.
UMongameli Emmerson Mnangagwa uthi labezenkolo kabasavunyelwa ukukhonza besedlula ikhulu okungenza kumemetheke igcikwane lecoronavirus.
Izizalwane zeZimbabwe zithi lobanje limithetho iqakathekile ekwenqabeleni ukumemetheka
kwegciwane lecoronavirus, izaphazamisa kakhulu inhlelo zokukhonza.
Elinye lamakholwa ebandleni laMaSabatha uNkosazana Sifanele Ndlovu uthi kavumelani lemigoqo eyethulwe nguhulumende.
Umfundisi webandla leHamba Vangeli Christian Ministries, uReverand Frank Mhlanga uthi sekuyisikhathi sokuthi amabandla atshintshe indlela enza ngayo izinto.
Ingcitshi zithi kusasekunengi okuzafanele kuguqulwe ngamakholwa ngalesi sikhathi secoronavirus kugoqela indlela okudliwa ngayo isidlo kwamanye amabandla, umkhuba wokuxhawulana, lomkhuba wokuhlala eduzane duzane.