amalinks wokungena

Breaking News

Zimbabwe Council of Churches: Bazalwane Asitshiyaneni Lemikhuba Engasifaka Engozini yeCOVID 19


Unobhala jikelele wenhlanganiso ye Zimbabwe National Council of Churches – ZNCC uReverend Dr Kenneth Mtata.

Inkokheli yamabandla ezokholo lwesiKristu, ikhuthaza abazalwane ukuthi behlukane lomkhuba wokuthintana ngazo zonke indlela okugoqela ukuxawulana lokunye.

Linkuthazo iza ngemva kokuba abenhlanganiso yezempilakahle emhlabeni jikelele sebethe igcikwane le COVID-19 seliyingozi enkulu ngemva kokusabalala emazweni womhlaba abakubiza ngokuthi yiPandemic.

Unobhala jikelele wenhlanganiso ye Zimbabwe National Council of Churches – ZNCC uReverend Dr Kenneth Mtata ulandisa ngamanyathelo abo amatsha lapho kubhekanwe laleli gcikwane.

“Ukuthintana kumele kume ukuze sizivikelel thina lokuvikela labo esikhonza labo. Sizoqhubeka sikhuleka ukuze kutholakale imithi eyokuvikela lokulapha lowo mkhuhlane. Kodwa imithi le ingakatholakali kuzodinga sizivikele thina lalabo esikholwa labo. Ungathi uNkulunkulu asivikele ngamandla aseZulwini leNkosi yethu u Jesu Khristu ”

U Mtata uthi sekudinga ukuthi abamabandla bamise konke okwenza abanthu bathintane lapho besenkonzweni.

“Umkhuhlane we COVID -19 sulathi manje futhi uyasabalala kakhulu. Labo abangamakholwa abahlanganayo kakhulu bazomela bahlolisise indlela abayenza ngayo imikhuba eminengi enkonzweni, ma besenza inkonzo zesidlo, inkonzo zombabhathizo, ukuxhawulana izandla leminye imikhuba eminengi eyenziwa ngamakholwa.”

Okusekelwe ngomunye njalo umfundisi ebandleni le United Evangelical Church njalo ekhokhela inhlanganiso ye Bible Ministries umfundisi Wyson Dutch.

“Sekuthe dlwe umhlaba wonke ukuthi i Coronavirus iyabulala, kayidlali. Kungakho ngithi kwabamabandla ezokholo lamakholwa ukuthi abantu mababogeza izandla inkonzo ingakaqali lalapho isiphelile. Masifundisaneni njengamakholwa lozulu wonke jikelele ukuthi singalingisithathe lindaba yeCoronavirus ngendlela yokuthi kuludaba lwezomoya. I Corona ngumkhuhlane njalo uyabulala, lokhe ubulala abantu kungakho kuma oks ukuthi sisebenze ndawonye ukwenqabela ukulahlekelwa yimiphefumulo.”

Owake waba ngumphathintambo wezempilakahle ngesikhathi sikahulumende womanyano enguye njalo obona ngezempilakahle kuMDC ekhokhelwa ngumnumzana Nelson Chamis, u Dr Henry Madzorera ukhuthaza uhulumende ukuba alandele iziqondiso zeWHO.

“Sikhuthaza uhulumende ukuthi aqinise kwezokulonda abantu, atsho ukuba abantu behlise kunhambo zabo, nxa kukhangelwa isibanga leligciwane eselifike kizo. Singakhohlwa ukuthi amazwe amanengi esisebenzisana lawo kwezokuthengiselana, labo sebebhekane lenkinga emazweni abo, selisabalala leligciwane kuzizalwane zakhona. Akekho omele asale lapho kuhlolwa abantu kumingcele ngesikhathi bengena kuleli, ngitsho lazo izethekeli ezihloniphekayo.”

Kodwa umphathintambo wezempilakahle lokulondolozwa kwabantwana u Dr Obediah Moyo uthi uhulumende esenza konke okusemandleni akhe ukwenqabela ukusabalala kwaleligciwane nxa lingaqala ukusabalala eZimbabwe.

Abe WHO bathi kumqoka ukuthi ohulumende bamazwe womhlaba balandele ngokugcweleyo iziqondiso abazibekayo ukwenqabela ukusabalala kwaleligciwane okubalisa ukungazivezi emphakathini nxa umuthu esethe waba lalo i self isolation.

Esinye seziphathamandla se WHO, uDr Wilfred Nkhoma ulandisa kabanzi ngokunye kokumele uzulu akwenze ukwenqabela ukusabalala kwegciwane leli.

“Njengalokho elandise ukukwenza ukuthi lisebenza emahofisini, beselisazisa inkokheli yenu ukuthi kalanelisi ukuza emsebenzini ngoba lilomvimbani. Oyabe ukwenza ngokuhlala endlini ngesikhathi uvimbene, yikuzehlukanisa labanye ukuthi umkhuhlane ungaze wasabalalisa igciwane lakhona. Lokhu kuyasiza ekwehliseni amathuba wokusabalalisa igciwane leli.”

Sikhuluma kunje abamanye amazwe abalisa elingumakhelwane eleSouth Africa sebebeke imithetho elukhuni egoqela ukungavumeli kwezethekeli ezivela emazweni lapho libhahe khona leligciwane le Coronavirus kanye lokuvala eminye imingcele ukulondoloza izizalwane kulelo lizwe.

EleZimbabwe lona lilokhe libika ukuba lanxa bekhona abekade becatshangelwa ukuba balalo leligciwane akakabi khona osethe watholakala elalo ngemva kokuhlolwa ezibhedlela ezibalisa ese Wilkins eHarare leThorngrove Infectious Hospitals koBulawayo.

please wait

No media source currently available

0:00 0:03:47 0:00

Facebook Forum

XS
SM
MD
LG