amalinks wokungena

Breaking News

'Abatsha Kumele Banikwe Ithuba Lokwethula Abakufisayo'


Isiphathamandla kunhlanganiso yeZimbabwe Council of Churches, uMfundisi Samuel Sifelani, uthi kumele abatsha bakhokhele enhlelweni ezitshiyeneyo ukwenzela ukuthi kuvulwe amathuba abo okuzimela bodwa nza sebekhulile.
Isiphathamandla kunhlanganiso yeZimbabwe Council of Churches, uMfundisi Samuel Sifelani, uthi kumele abatsha bakhokhele enhlelweni ezitshiyeneyo ukwenzela ukuthi kuvulwe amathuba abo okuzimela bodwa nza sebekhulile.

Abatsha bakhuthazwa ukuthi badonse ndawonye sonke isikhathi ukwenzela ukuthi balungise konke okubahluphayo.

Lokhu kwethulwe emhlanganweni wabasakhulayo owe National Youth Leaders Dialogue wokugqiba uhlelo lwe Youth Care Week oluqalise ngeviki ephelileyo.

Umhlangano lo ubuqoqwe yinhlanganiso yamabandla ezokholo lweSiKhristu eyeZimbabwe Council of Churches.

Omunye walabo abangene umhlangano lo nguNkosazana Samantha Sibanda, owasungula inhlanganiso yeScience of Hope Trust esebenza labantu abakhubezakileyo.

UNkosazana Sibanda uthe kuqakathekile kakhulu ukuthi abatsha, ikakhulu asebenza labo, badonse ndawonye ukwenzela ukunqabela okunye okunzima abangabhekana lakho empilweni.

Lokhu kusekelwe nguNkosazana Bongani Madziwa okunhlanganiso yeEpworth Civil Youth Infuencers Network Connect.

Isiphathamandla kunhlanganiso yeZimbabwe Council of Churches, uMfundisi Samuel Sifelani,uthe kumele abatsha bakhokhele enhlelweni ezitshiyeneyo ukwenzela ukuthi kuvulwe amathuba abo okuzimela bodwa nza sebekhulile.

UMfundisi Sifelani uthe ontanga bahlezi belesifiso sokutsho imibono yabo kodwa kabalitholiswa ithuba lokukhuluma.

“Kungaba ngezombangazwe kungaba ngezomnotho kanye langakithi emabandleni ezokholo sibona engathi ontanga kabaphiwa isikhathi esilutshwana abanye kabasitholi lokuthi bakhulume labo. Sizama ukuthi sibavulele bathole isikhathi, bakhulume ilizwi labo lalo lizwakale.”

Uhlelo lwemihlangano yabasakhulayo eqoqwe ngabenhlanganiso yeZimbabwe Council of Churches ngaphansi kwemikhankaso eye Youth Care Week Campaign luqhutshwe hatshi eHarare kuphela kodwa lasemadolobheni agoqela koBulawayo, Gweru, eMasvingo, Mutare lamanye.

Abatsha Bakhuthazwa Ukuthi Bazilwele
please wait

No media source currently available

0:00 0:04:41 0:00

XS
SM
MD
LG