amalinks wokungena

Breaking News

Bayakhala Abokholo LweSiKhristu Ngokuvinjwa Ukuya Ezindlini Zokukhonza uNkulunkulu


Abanye abahambe endlini yokukhonza uNkulunkulu

Abantu abanengi bathi kubazwisa ubuhlungu ukuthi lonyaka ngumnyaka wesibili besehluleka ukubuthana ngobunengi babo ezindlini zokukhonzela uNkulunkulu ngenxa yomkhuhlane weCOVID-19.

Sokulomnyaka ogcweleyo abantu bengahlangani njengalokhu ababekwenza kungakaqhamuki umkhuhlane weCOVID-19 eZimbabwe lapho osubulele abedlula inkulungwane lengxenye – 1,524 elizweni. Okwamanje uhulumende uselwisana lomkhuhlane lo ngokuhlaba abantu amajekiseni okuzivikela kugciwane leCoronavirus.

Okwamanje asebehlatshwe okokuqala bedlula inkulungwane ezilikhulu – 111,588 kuthi asebehlatshwe okwesibili bedlula kancane inkulungwane ezingamatshumi amabili – 21,327. Konke lokhu kwenzakala ngesikhathi bekhala abalandela ukholo lweSikhristu abathi umkhuhlane weCOVID-19 ubathwalise nzima njengoba bengavunyelwa ukwenza imihlangano elabantu abanengi.

Omunye wabo nguMbongeni Ncube, umculi wengoma zokholo lweSiKhristu okuqembu leTender Voices Duet, othi umkhuhlane weCOVID-19 ubaphazamise kakhulu.

Lokhu kusekelwa ngomunye wakhe uSijabuliso Ndlovu, okuqembu elifanayo.

UNdlovu uthi kabasahambi lemikhosini emikhulu yezokholo lweSiKhristu lapho okuculwa khona.

UNkosikazi Sihle Dlamini uthi lanxa bekuzwisisa okutshiwo nguhulumende ukuba abantu baphile ngendlela evikelekilyo, ukuqhamuka komkhuhlane weCOVID-19 sekubalethele inkinga ezinengi kwezokholo.

UNkosikazi Alice Milanzi uthi kubelemihlangano elabantu abambalwa lonyaka bethakazelela ikhefu lephasika.

UMnu. Ishmael Sibanda yena uthi bakubone kufanele bazilandele lezo ziqondiso zikahulumende ezokuthi akumelanga abantu babuthane.

Ngaphambilini kwalelikhefu leEaster, uhulumende uhle wakubeka sobala ukuba kavumeli imibuthano yabantu ngesikhathi sekhefu leli ngenxa yokwesaba ukuthi ungamemetheka ngamandla umkhuhlane weCOVID-19 elizweni.

Ayakhala Amakholwa Ngomkhuhlane weCOVID-19
please wait

No media source currently available

0:00 0:04:38 0:00


Facebook Forum

XS
SM
MD
LG